'ఆల్​టైం గ్రేట్స్​' జాబితాలో హామిల్టన్​కు రెండోస్థానం

మెర్సిడెస్​ డ్రైవర్​​ లూయిస్​ హామిల్టన్​... బ్రిటన్​లోని అత్యత్తమ ఆటగాళ్ల(ఆల్​టైం గ్రేట్స్​) జాబితాలో రెండో స్థానంలో నిలిచాడు. ఆదివారం జరిగిన ఫార్ములావన్​ ప్రపంచ ఛాంపియన్​షిప్​లో కెరీర్​లో ఆరో టైటిల్​ సొంతం చేసుకుని ఈ ఘనత సాధించాడు.

అమెరికాలోని టెక్సాస్​లో జరిగిన ఫార్ములా వన్​ రేసులో నెగ్గి మరో టైటిల్​ సాధించాడు మెర్సిడెస్​ డ్రైవర్​​ లూయిస్​ హామిల్టన్​. ఈ విజయంతో మొత్తం ఆరుసార్లు ఫార్ములావన్​ ప్రపంచ టైటిల్​ సాధించాడీ బ్రిటన్​ రేసర్​. ఫలితంగా ఇంగ్లీష్​ దేశంలో అత్యుత్తమ క్రీడాకారుల జాబితాలో రెండోస్థానం సంపాదించాడు.

అత్యుత్తమ ఆటగాళ్ల జాబితాలో నిలవాలంటే మ్యాచ్​కు ముందు హామిల్టన్​కు నాలుగు పాయింట్లు అవసరమయ్యాయి. ఈ తాజా గెలుపుతో వాటిని సాధించాడు. ఐదుసార్లు ఛాంపియన్​ జుయాన్​ మేన్యుయల్​ ఫాంగియో(అర్టెంటీనా)ను మూడో ర్యాంకుకు వెనక్కి నెట్టాడు.

" ఇంకా ఎంతో ఎదగాల్సి ఉంది. మీ అభిమానానికి కృతజ్ఞతలు. నేను, నా పార్ట్​నర్​ మంచి ప్రదర్శన చేశాము. ఫలితం నన్ను బాగా సర్​ప్రైజ్​ చేసింది"
-- లూయిస్​ హామిల్టన్​, రేసర్​

7సార్లు ఛాంపియన్​ మైఖేల్​ షుమాకర్​(జర్మనీ) మాత్రమే హామిల్టన్​ కంటే ముందున్నాడు. గతంలో ఐదుసార్లు(2008, 2014, 2015, 2017, 2018) ఎఫ్​1 ఛాంపియన్​గా నిలిచాడు లూయిస్​ హామిల్టన్​. వీటిలో వరుసగా మూడుసార్లు ట్రోఫీ గెలవడం విశేషం.

టాప్​ రెండూ అదే జట్టుకు...

యూఎస్​ గ్రాండ్​ ఫ్రిక్స్​లో మెర్సిడెస్​ తరఫున బరిలోకి దిగిన హామిల్టన్​... రెండో స్థానంలో నిలిచాడు. తన జట్టులోని మరో రేసర్​ వాల్​ట్టెరి(ఫిన్లాండ్​) అగ్రస్థానం సంపాదించాడు. మూడో స్థానంలో డచ్​ రేసర్​ మ్యాక్స్​ వెర్​స్టాపెన్​ నిలిచాడు.

సహచరుడు వాల్​ట్టెరితో ఆనందంలో హామిల్టన్​