ఆసియా​ ఛాంపియన్​షిప్​ ఫైనల్​లో మేరీకోమ్, సాక్షి​

ఆరు సార్లు ప్రపంచ ఛాంపియన్​గా నిలిచిన భారత బాక్సర్​ మేరీకోమ్​.. ఆసియా క్రీడలు(51 కిలోలు) ఫైనల్​లో అడుగుపెట్టింది. ఈమెతో పాటు (54 కిలోలు) మరో భారత బాక్సర్​ సాక్షి కూడా తుదిపోరుకు చేరింది.

దుబాయ్​ వేదికగా జరుగుతోన్న ఆసియా​ ఛాంపియన్​షిప్​ మహిళల బాక్సింగ్​ ఫైనల్​లో ఇద్దరు భారత మహిళా బాక్సర్లు అడుగుపెట్టారు. ప్రపంచ మాజీ ఛాంపియన్​ మేరీకోమ్(51 కిలోలు)​తో పాటు సాక్షి(54 కిలోలు) ఫైనల్​కు చేరారు. అయితే అంతకుముందు రెండో సీడ్​లో కజకిస్థాన్​కు చెందిన ఆలువా బాల్కిబెకోవాపై భారత బాక్సర్​ మోనిక(48 కిలోలు) పరాజయం పొంది.. కాంస్య పతకాన్ని ఖరారు చేసుకుంది.

గురువారం జరిగిన టోర్నీ సెమీస్​లో(51 కేజీలు) మంగోలియాకు చెందిన లుట్సాఖాన్ అల్తాంట్‌సెట్‌సెగ్‌ను 4-1 తేడాతో మేరీకోమ్ ఓడించగా.. టాప్​ సీడ్​కు చెందిన కజఖ్​ దినా జోలామన్​పై(54 కిలోలు) 3-2 తేడాతో గెలుపొందింది.

టోర్నీలో శుక్రవారం జరగనున్న పురుషుల బాక్సింగ్ సెమీఫైనల్స్​లో అమిత్​ పంగాల్​ (52 కిలోలు), వరీందర్​ సింగ్​ (60 కిలోలు), శివ థాపా (64 కిలోలు), వికాస్​ క్రిషన్ (69 కిలోలు), సంజీత్​ (91 కిలోలు) పోరాడనున్నారు. వీరిలో అమిత్​ పంగాల్​, వికాస్​ ఇప్పటికే టోక్యో ఒలింపిక్స్​కు అర్హత సాధించారు.

ఇదీ చూడండి:బాక్సింగ్ పోటీలు: శివ థాపకు పతకం ఖాయం