తన రికార్డును తానే బద్దలు కొట్టిన భారత వెయిట్​లిఫ్టర్

భారత వెయిట్ లిఫ్టర్ జెరెమీ లాల్​రినుంగా ఖతర్ ఇంటర్నేషనల్ కప్​లో తన రికార్డును తానే బద్దలు కొట్టాడు. 67 కేజీల విభాగంలో 306 కేజీలు బరువునెత్తి రజతం కైవసం చేసుకున్నాడు.

యూత్ ఒలింపిక్స్ స్వర్ణ గ్రహీత భారత వెయిట్​లిఫ్టర్ జెరెమీ లాల్​రినుంగా యూత్ వరల్డ్​లో తన రికార్డు తానే బద్దలు కొట్టాడు. దోహా వేదికగా జరుగుతున్న ఖతర్ ఇంటర్నేషనల్​కప్​లో ఈ ఘనత సాధించాడు. 67 కేజీల విభాగంలో 306కేజీల(140కేజీ+166కేజీ) బరువు ఎత్తాడు.

శుక్రవారం జరిగిన ఈ పోటీల్లో స్నాచ్, క్లీన్, జెర్క్ విభాగాల్లో 306 కేజీలు ఎత్తి రజతం కైవసం చేసుకున్నాడు. మొత్తం తన పేరిట 27 రికార్డులు అందుకున్నాడు జెరెమీ. ఇందులో 12 అంతర్జాతీయ రికార్డులు(3 యూత్​+ 3 ఆసియన్+ 6 కామన్​వెల్త్ రికార్డులు) ఉన్నాయి.

మిజోరాంకు చెందిన జెరెమీ ఏడాది క్రితం జరిగిన ఈజీఏటీ కప్​లో రజతం సొంతం చేసుకున్నాడు. ఆసియన్ ఛాంపియన్​షిప్​లో 297 కేజీల బరువు ఎత్తి ఆసియా రికార్డు కొల్లగొట్టాడు. ఈ ఏడాది జరిగిన వరల్డ్ ఛాంపియన్​షిప్​లో 296కేజీల (136+163 కేజీల) బరువు ఎత్తి గ్రూప్-బీలో 10వ స్థానంలో నిలిచాడు.

ఇదీ చదవండి: ఈ ఏడాది షట్లర్లు చేదుగుర్తు.. నిరాశ పరిచిన స్టార్లు!