'జపాన్​లో ఎమర్జెన్సీ పెట్టినా.. ఒలింపిక్స్ ఆగదు'

టోక్యో ఒలింపిక్స్​కు సమయం దగ్గరపడుతోంది. క్రీడలను నిలిపివేయాలని దాదాపు 80శాతం ప్రజలు కోరుతున్నారు. అయినప్పటికీ ఈ మెగా ఈవెంట్​ విషయంలో వెనక్కి తగ్గేది లేదని అంతర్జాతీయ ఒలింపిక్ కమిటీ స్పష్టం చేసింది. జపాన్ మొత్తం అత్యవసర పరిస్థితి విధించినా.. ఒలింపిక్స్​ను నిర్వహించి తీరుతామని తేల్చి చెప్పింది.

ఎన్ని అడ్డంకులు వచ్చినా టోక్యో ఒలింపిక్స్​ మాత్రం ఆగవని అంతర్జాతీయ ఒలింపిక్ కమిటీ స్పష్టం చేసింది. చివరికి జపాన్ మొత్తం ఎమర్జెన్సీ ప్రకటించినా, మెగా టోర్నీని నిర్వహించి తీరుతామని తేల్చిచెప్పింది.

ఒలింపిక్స్​ ప్రారంభానికి సరిగ్గా ఇంకా రెండు నెలల సమయం ఉంది. ఓ వైపు జపాన్​లోని దాదాపు 80% ప్రజలు ఈ ప్రతిష్ఠాత్మక క్రీడల నిర్వహణకు వ్యతిరేకత చూపుతున్నారు. క్రీడల​ నిర్వహణ వల్ల కరోనా కేసులు పెరిగే అవకాశం ఉందని స్థానిక వైద్య నిపుణులు వివరిస్తున్నారు. ఈ తరుణంలో అంతర్జాతీయ ఒలింపిక్​ కమిటీ వ్యాఖ్యలు ప్రాధాన్యం సంతరించుకున్నాయి.

దేశంలోని ప్రజలకు వ్యాక్సినేషన్​ ప్రక్రియను వేగవంతం చేయడం ద్వారా కూడా క్రీడలను ఏ ఇబ్బంది లేకుండా నిర్వహించొచ్చని అంటున్నారు అధికారులు. దీంతో పాటు ఒలింపిక్ క్రీడా గ్రామంలో 80శాతానికిపైగా ప్రజలకు టీకాలు ఇవ్వాలని సూచించారు.

జులై 23 నుంచి ప్రారంభమయ్యే ఈ మెగా క్రీడల్లో మొత్తం 11వేల ఒలింపిక్​ క్రీడాకారులతో పాటు 4వేల మంది పారాలింపిక్స్ ఆటగాళ్లు పాల్గొననున్నారు.

ఇదీ చదవండి:'ఇంగ్లాండ్ టూర్​లో అతడికే నా తొలి ప్రాధాన్యత'