టోక్యో ఒలింపిక్స్లో పాల్గొనే భారత అథ్లెట్స్కు కరోనా వ్యాక్సిన్ అందించాలని కేంద్రానికి విజ్ఞప్తి చేసింది భారత ఒలింపిక్ అసోసియేషన్. వారు ఈ మెగా క్రీడల్లో పాల్గొనడానికి బయలుదేరే నాటికి టీకాను అందించాలని కేంద్ర ఆరోగ్య మంత్రి హర్షవర్ధన్కు లేఖ రాసింది. టీకాను అందించే విషయంలో అథ్లెట్స్కు కూడా ప్రాధాన్యం ఇవ్వాలని విజ్ఞప్తి చేసింది. ఈ ఏడాది జులై 23 నుంచి ఆగస్టు 8 వరకు ఒలింపిక్స్ జరగనున్నాయి. ఇప్పటికే ఈ మెగా క్రీడలకు 74 మంది భారత అథ్లెట్లు అర్హత సాధించారు. మరో 75 మంది వరకు అర్హత సాధించే అవకాశం ఉంది.
'భారత అథ్లెట్స్కు కరోనా టీకా అందించాలి' - indian athlets corona vaccine
కరోనా వ్యాక్సిన్ను అందించే విషయంలో భారత అథ్లెట్స్కు ప్రాధాన్యం ఇవ్వాలని కేంద్ర ఆరోగ్య మంత్రి హర్షవర్ధన్కు లేఖ రాసింది భారత ఒలింపిక్స్ సంఘం. ఈ ఏడాది జులై 23 నుంచి ఆగస్టు 8 వరకు ఒలింపిక్స్ జరగనున్నాయి.
ఒలింపిక్
టోక్యో ఒలింపిక్స్లో పాల్గొనే భారత అథ్లెట్లందరికీ కరోనా వ్యాక్సిన్ ఇస్తామని ఇటీవల కేంద్ర క్రీడల మంత్రి కిరణ్‌ రిజిజు అన్నారు. వారు క్రీడలకు బయలుదేరడానికి ముందే ఈ కార్యక్రమం పూర్తి చేస్తామని చెప్పారు. అయితే దీనిపై తుది నిర్ణయం ఆరోగ్య మంత్రిత్వ శాఖదే అని వెల్లడించారు. కాగా, ఇటీవలే ఒలింపిక్స్లో పాల్గొనే క్రీడాకారులు కరోనా వ్యాక్సిన్ను వేయించుకోవాల్సిందిగా కోరారు ఐఓసీ అధ్యక్షుడు థామస్ బాచ్. అయితే ఇదేం తప్పనిసరేం కాదని అన్నారు.
ఇదీ చూడండి: ఒలింపిక్స్ నిర్వహణ కోసం 'ఐఓసీ' రూల్ బుక్