టోక్యో ఒలింపిక్స్ (Tokyo Olympics)కు వెళ్లే క్రీడాకారుల మానసిక ఆరోగ్యం కోసం పుల్లెల గోపీచంద్(Pullela Gopichand) మార్గనిర్దేశనంలోని 'ధ్యాన' (Dhyana)తో భారత ఒలింపిక్ సంఘం (ఐఓఏ) (IOA) చేతులు కలిపింది. ఒలింపిక్స్లో భారత క్రీడాకారులకు ధ్యాన అధికారిక మెడిటేషన్ భాగస్వామిగా వ్యవహరించనుంది.
ఒలింపిక్స్ వంటి మెగా టోర్నీలో క్రీడాకారులు, కోచ్‌లు, సహాయ సిబ్బంది ఒత్తిడిని అధిగమించేందుకు ఈ ధ్యాన పరికరం సహాయపడనుంది. ఒలింపిక్స్లో పాల్గొనే ప్రతి ఒక్కరి కోసం ధ్యాన ఉంగరాలు, కిట్‌లను ఐఓఏ తీసుకుంది. ప్రస్తుత కరోనా మహమ్మారి సమయంలో క్రీడాకారుల మానసిక ఆరోగ్యం.. ఏకాగ్రత మెరుగుపరచడం కోసమే ధ్యానతో చేతులు కలిపినట్లు ఐఓఏ ప్రకటించింది.