చైనా స్పాన్సర్లతో కటీఫ్.. ఐఓఏ కీలక నిర్ణయం

చైనాపై తీవ్ర వ్యతిరేకత వ్యక్తమవుతున్న నేపథ్యంలో భారత ఒలింపిక్ అసోసియేషన్ కీలక నిర్ణయం తీసుకుంది. చైనా స్పాన్సర్లు, ఉత్పత్తులను నిషేధించనున్నట్లు పేర్కొంది.

గాల్వన్​ ఘటనలో భారత్​కు చెందిన 20 మంది సైనికులు వీరమరణం చెందారు. ఈ నేపథ్యంలో చైనీస్​ యాప్​లను నిషేధించాలని కోరడం సహా ఆ దేశంపై వ్యతిరేకత తీవ్రస్థాయిలో వ్యక్తమవుతోంది. ఈ క్రమంలో భారత ఒలింపిక్​ అసోసియేషన్.. చైనా ఉత్పత్తులను, స్పాన్సర్లను బాయ్​కాట్​ చేయనున్నట్లు స్పష్టం చేసింది. ఐఓఏ సెక్రటరీ జనరల్ రాజీవ్ మెహతా మాట్లాడుతూ.. 'లై-నింగ్' సంస్థతో తెగతెంపులు చేసుకోనున్నట్లు చెప్పుకొచ్చారు. తమకు దేశమే తొలి ప్రాధాన్యత అని అన్నారు.

భారత ఒలింపిక్ అసోసియేషన్

2018 మేలో 'లై-నింగ్'తో భారత ఒలింపిక్ అసోసియేషన్ ఒప్పందం కుదుర్చుకుంది. ఇందులో భాగంగా టోక్యో ఒలింపిక్స్ వరకు భారత్​ అథ్లెట్లకు రూ.5-6 కోట్ల విలువైన క్రీడా పరికరాలను సదరు సంస్థ అందివ్వనుంది.

ఇవీ చదవండి: