కొవిడ్​తో ప్రముఖ మహిళా షూటర్, కోచ్​ మృతి

భారత షూటర్, కోచ్ మోనాలి గోర్హే.. కొవిడ్ బారిన పడి మృతి చెందారు. ఈమె మృతిపై పలువురు సంతాపం తెలుపుతున్నారు.

అంతర్జాతీయ షూటర్​, కోచ్​ మోనాలి గోర్హే కరోనాతో పోరాడుతూ తుదిశ్వాస విడిచారు. ఆమె తండ్రి కూడా ఇదే కారణంతో మరణించారు. ఆమె మృతిపై పలువురు క్రీడాకారులు నివాళులు అర్పిస్తున్నారు.

మోనాలి శిక్షణలోనే మన దేశ షూటర్లు.. కామన్వెల్త్ షూటింగ్ ఛాంపియన్​షిప్స్, జాతీయ, అంతర్జాతీయ స్థాయిలో రాణించారు. బంగారు పతకాల్ని కూడా సొంతం చేసుకున్నారు. ఇప్పుడు ఈమెను కోల్పోవడం షూటర్లకు తీరని లోటు అనే చెప్పాలి.