Olympic Day: అసలు ఒలింపిక్ డే ఎప్పుడు మొదలైంది?

అంతర్జాతీయ ఒలింపిక్ డే సందర్భంగా ప్రధాని నరేంద్ర మోదీ(PM MODI), భారత క్రీడాకారులకు శుభాకాంక్షలు చెబుతూ ట్వీట్ చేశారు. మన దేశం తరఫున ఇప్పటివరకు పోటీల్లో పాల్గొన్న వారికి, మరికొన్ని రోజుల్లో టోక్యో ఒలింపిక్స్​ బరిలో దిగనున్న క్రీడాకారులకు విషెస్ చెప్పారు. ఇంతకీ ఈ ఒలింపిక్ డే ఎప్పుడు మొదలైంది? దీని చరిత్రేంటి?

ప్రతి నాలుగేళ్లకు ఒకసారి ఎంతో అంగరంగ వైభవంగా జరిగే ఒలింపిక్స్​ కోసం ప్రపంచవ్యాప్తంగా క్రీడాభిమానులతో పాటు చాలామంది ప్లేయర్లు కూడా ఎదురుచూస్తుంటారు. గతేడాది జులై 23న జరగాల్సిన ఈ మెగాక్రీడలు.. కరోనా కారణంగా ఏడాది వాయిదాపడ్డాయి. అయితే ఆ పోటీలకు సరిగ్గా నెలరోజుల ముందు అంటే బుధవారం(జూన్ 23) ఇంటర్నేషనల్ ఒలింపిక్ డే(International Olympic Day) జరుపుకోనున్నారు. అసలు ఒలింపిక్ డే ఎప్పుడు మొదలైంది?

టోక్యో ఒలింపిక్స్ 2021

ఒలింపిక్ డే చరిత్ర

1894 జూన్ 23న పారిస్​ సోర్బెన్​లో అంతర్జాతీయ ఒలింపిక్ కమిటీని(International Olympic Committee) స్థాపించారు. అందుకు గుర్తుగా ప్రతి ఏడాది ఈ రోజున జాతీయ ఒలింపిక్ కమిటీలు.. ఒలింపిక్ డేను నిర్వహిస్తాయి.

ఐఓసీ చెక్​స్లోవేకియా సభ్యుడు డాక్టర్. జోసెఫ్ గ్రస్.. వరల్డ్ ఒలింపిక్​ డే గురించి 1947లో స్టాక్​హోమ్​లో జరిగిన భేటీలో ఒలింపిక్ డే గురించి రిపోర్ట్ సమర్పించారు. ఆ తర్వాత ఏడాది జరిగిన 42వ ఐఓసీ సమావేశంలో.. జూన్ 23ను 'ఇంటర్నేషనల్​ ఒలింపిక్ డే'గా జరుపుకోవాలని సభ్య దేశాలు తీర్మానించాయి.

అంతర్జాతీయ ఒలింపిక్ డే 2021 ప్రాముఖ్యం

కొవిడ్ మహమ్మారి కారణంగా ప్రజలు.. శారీరకంగా, మానసికంగా చాలావరకు ఇబ్బంది పడుతున్నారు. ఇలాంటి సమయాల్లో మన ఆరోగ్యం కాపాడుకోవడానికి వ్యాయామం ఎంతో ముఖ్యం.

ఒలింపిక్​ డేను నామమాత్రానికే వదిలేయకుండా, ప్రపంచవ్యాప్తంగా ఉన్న జాతీయ ఒలింపిక్ కమిటీలు.. అన్ని రకాల ప్రజలను ఆకర్షించేందుకు ఒలింపిక్స్ కోసం విద్యా, సాంస్కృతిక కార్యక్రమాలను ప్రతి ఏటా నిర్వహిస్తున్నాయి.

ఇవీ చదవండి: