కజకిస్థాన్ వేదికగా జరుగుతున్న ప్రపంచ రెజ్లింగ్ ఛాంపియన్షిప్లో రాహుల్ అవారే సత్తా చాటాడు. ఆదివారం.. కాంస్యం కోసం 61 కిలోల విభాగంలో బరిలోకి దిగిన ఈ స్టార్ రెజ్లర్... లీ గ్రాఫ్(అమెరికా)ను ఓడించి పతకం అందుకున్నాడు.
కాంస్య పోరులో గెలిచిన రాహుల్ అవారే
ప్రపంచ రెజ్లింగ్ ఛాంపియన్షిప్లో భారత్ మరో పతకం సొంతం చేసుకుంది. కాంస్యం కోసం ఆదివారం జరిగిన పోరులో రాహుల్ అవారే గెలిచాడు. 61 కేజీల విభాగంలో లీ గ్రాఫ్(అమెరికా)ను ఓడించాడు. ఈ టోర్నీలో భారత్.. స్వర్ణం లేకుండానే తన ప్రయాణాన్ని ముగించింది.
కాంస్యం పోరులో గెలిచిన రాహుల్ అవారే
ఈ టోర్నీలో భారత్ మిగతా రెజ్లర్లు దీపక్ పునియా (86 కిలోలు) వెండి పతకంతో సరిపెట్టుకున్నాడు. ఆదివారం జరగాల్సిన ఫైనల్ నుంచి గాయం కారణంగా తప్పుకున్నాడు. ఆదివారంతో ముగిసిన ఈ టోర్నీలో ఒక వెండి, నాలుగు కాంస్యాలు సాధించారు భారత రెజ్లర్లు. దీపక్ పునియా(వెండి), వినేశ్ ఫొగాట్, బజరంగ్ పునియా, రవి దహియా, రాహుల్ అవారే... కాంస్యాలతోనే సరిపెట్టుకున్నారు.
ఇప్పటివరకు ఈ మెగా టోర్నీలో బంగారు పతకం గెలిచిన ఆటగాడిగా సుశీల్కుమార్ (66 కిలోలు) మాత్రమే ఉన్నాడు. 2010 మాస్కోలో జరిగిన ప్రపంచ ఛాంపియన్షిప్లో ఈ ఘనత సాధించాడు సుశీల్.
Last Updated : Oct 1, 2019, 2:46 PM IST