'ఆసియా రెజ్లింగ్'​​లో భారత క్రీడాకారిణి​ సంచలనం

ప్రతిష్టాత్మక ఆసియా రెజ్లింగ్​ ఛాంపియన్​షిప్​లో దివ్య కక్రాన్​ చరిత్ర సృష్టించింది. స్వర్ణం గెలిచిన ఈ క్రీడాకారిణి.. ఈ ఘనత సాధించిన రెండో భారత రెజ్లర్​గా పేరు తెచ్చుకుంది.

దిల్లీలో జరుగుతున్న ఆసియా రెజ్లింగ్ ఛాంపియన్​షిప్​లో రికార్డు సృష్టించింది దివ్య కక్రాన్​. ప్రపంచ స్థాయి వేదికపై పసిడి గెలిచిన రెండో భారత రెజ్లర్​గా పేరు తెచ్చుకుంది. గురువారం జరిగిన 68 కేజీల విభాగంలో... ప్రత్యర్థి రెజ్లర్​ ​నరుష మత్సుయుకి(జపాన్​)పై అలవోకగా విజయం సాధించింది.

గతంలో ఈ మెగాటోర్నీలో తొలిసారి పసిడి గెలిచి చరిత్ర సృష్టించింది నవజోత్​ కౌర్​. 2018లో కిర్గిస్థాన్​ వేదికగా జరిగిన పోటీల్లో 65 కేజీల విభాగంలో దేశానికి స్వర్ణం అందించింది.

మరో రెండు!

ప్రస్తుతం జరుగుతున్న ఈ టోర్నీలో భారత్​కు మూడో స్వర్ణం అందించింది పింకీ. 55 కేజీల విభాగంలో బొలోర్మా(మంగోలియా)పై గెలిచింది. మనకు మరో రెండు రజతాలు ఖరారయ్యాయి. సరితా మోర్​(59 కేజీలు), నిర్మలా దేవీ(50 కేజీలు) తమ విభాగాల్లో ఫైనల్​ చేరారు. తాజా ఈవెంట్​లో మొత్తం మూడు స్వర్ణాలతో కలిపి 6 పతకాలు సాధించారు భారత రెజ్లర్లు.