ఆ ఒలింపిక్స్​లో భారత్ టాప్-10లో: కిరణ్ రిజిజు

2028లో లాస్ ఏంజలిస్​​ వేదికగా జరిగే ఒలింపిక్స్ తమ ముందున్న లక్ష్యమని అన్నారు కేంద్ర క్రీడా మంత్రి కిరణ్ రిజిజు. అందులో తొలి పదిస్థానాల్లోపు భారత్​ నిలుస్తుందని చెప్పారు. అందుకోసం ప్రణాళిక సిద్ధం చేస్తున్నామన్నారు.

2028లో జరిగే ఒలింపిక్స్​లో భారత్ తొలి పది స్థానాల్లోపు నిలుస్తుందని అన్నారు కేంద్ర క్రీడా మంత్రి కిరణ్ రిజిజు. టోక్యో ఒలింపిక్స్​కు ప్రతిభావంతులైన క్రీడాకారులు వెళ్తున్నప్పటికీ, లాస్ ఏంజలిస్​​లో జరిగే మెగా టోర్నీనే.. భారత్ అథ్లెట్ల ముందున్న లక్ష్యమని అన్నారు.

2028లో లాస్ ఏంజిల్స్​లో ఒలింపిక్స్

"ప్రపంచంలో 20 శాతం యువత భారత్​లోనే ఉన్నారు. ప్రతి ఐదుగురిలో ఒకరు యువకుడు/యువతి. ఇంతమంది ఉన్నా.. ఒకటి లేదా రెండు బంగారు పతకాలు సాధించడం భావ్యమా?. ఈ పరిస్థితిని అంగీకరించేందుకు సిద్ధంగా లేం. భవిష్యత్తు కోసం రోడ్​మ్యాప్​ తయారు చేశాం. టోక్యో మెగా క్రీడలు కోసం సంసిద్ధంగా ఉన్నాం. కానీ కొన్ని పరిమితులున్నాయి. అయితే మా అసలు లక్ష్యం 2028 ఒలింపిక్స్. అందులో టాప్-10లో నిలుస్తాం"

-కిరణ్ రిజిజు, కేంద్ర క్రీడా మంత్రి

గోవాలో జాతీయ క్రీడలకు ఆతిథ్యమిచ్చే స్టేడియంనుశనివారంప్రారంభించారు కిరణ్. అనంతరం పై వ్యాఖ్యలు చేశారు. ఈ ఏడాది అక్టోబరు-నవంబరు మధ్య జాతీయ క్రీడా పోటీలు జరగనున్నాయి.