సింధు, ప్రణయ్కు నిరాశ.. ఇండియా ఓపెన్ నుంచి ఔట్
భారత్ వేదికగా జరుగుతున్న ఓపెన్ సూపర్ 750 బ్యాడ్మింటన్ టోర్నీలో సింధు, ప్రణయ్ వెనుతిరగాల్సి వచ్చింది. మంగళవారం జరిగిన ఈ మ్యాచ్లో ప్రణయ్.. డిఫెండింగ్ ఛాంపియన్ లక్ష్య సేన్ చేతిలో ఓడిపోగా.. సింధు థాయ్‌లాండ్‌కు చెందిన సుపానిడా కతేథాంగ్ చేతిలో ఓటమి పాలైంది.
pv sindhu
ఇండియా ఓపెన్ సూపర్ 750 బ్యాడ్మింటన్ టోర్నమెంట్ తొలి రౌండ్లో టాప్ ప్లేయర్స్ పీవీ సింధు, హెచ్ ఎస్ ప్రణయ్ ఓటమిని చవి చూశారు. భారత్ వేదికగా మంగళవారం జరిగిన ఈ మ్యాచ్లో ప్రణయ్ డిఫెండింగ్ ఛాంపియన్ లక్ష్య సేన్ చేతిలో ఓడిపోగా.. సింధు థాయ్‌లాండ్‌కు చెందిన సుపానిడా కతేథాంగ్ చేతిలో ఓటమి పాలైంది. సుమారు 45 నిమిషాల పాటు సాగిన మ్యాచ్లో 21-14, 21-15 స్కోర్తో ప్రణయ్‌పై విజయం సాధించాడు. మరో వైపు పీవీ సింధు 12-21, 20-22 స్కోర్తో థాయ్‌లాండ్‌ క్రీడాకారిణి సుపానిడా కతేథాంగ్ చేతిలో పరాజయం పాలయ్యింది. అయితే గత సీజన్లో సెమీ ఫైనల్స్కు చేరుకున్న సింధు ఇదే ప్లేయర్ చేతిలోనే ఓటమి పాలవ్వడం గమనార్హం.