India Open 2022: ఇండియా ఓపెన్ బ్యాడ్మింటన్ టోర్నీలో భారత స్టార్ క్రీడాకారులు పీవీ సింధు, కిదాంబి శ్రీకాంత్ శుభారంభం చేశారు. మంగళవారం ప్రారంభమైన ఈ టోర్నీలో వీరిద్దరు ప్రిక్వార్టర్ఫైనల్లో అడుగుపెట్టారు. మహిళల సింగిల్స్ తొలి రౌండ్లో టాప్ సీడ్ సింధు 21-5, 21-16తో శ్రీకృష్ణప్రియపై విజయం సాధించింది. ఐరాశర్మ 21-10, 21-11తో దోహా హానీ (ఈజిప్ట్)పై నెగ్గింది.
పురుషుల సింగిల్స్ తొలి రౌండ్లో టాప్ సీడ్ శ్రీకాంత్ 21-17, 21-10తో సిరిల్వర్మపై గెలుపొందాడు. సమీర్వర్మ 21-7, 21-7తో సౌరభ్వర్మపై పైచేయి సాధించాడు.