డిఫెండింగ్‌ ఛాంపియన్‌ భారత్కు తీవ్ర నిరాశ. ఆన్లైన్ చెస్ ఒలింపియాడ్(Chess Olympiad) సెమీఫైనల్లో మన బృందం ఓడిపోయింది. మంగళవారం జరిగిన సెమీఫైనల్లో(Chess Olympiad Ind vs US) భారత్ టైబ్రేకర్‌లో అమెరికా చేతిలో పరాజయం చవిచూసింది. మంగళవారం జరిగిన ఈ పోరులో తొలి రౌండ్లో భారత్(Chess Olympiad 2021 India) 5-1తో గెలవగా.. రెండో రౌండ్‌ను అమెరికా 4-2తో దక్కించుకోవడం వల్ల టైబ్రేకర్‌ (బ్లిట్జ్‌) అనివార్యమైంది. ఇందులో అమెరికా 4.5-1.5తో భారత్‌ను ఓడించి ఫైనల్‌కు దూసుకెళ్లింది.
తొలి గేమ్‌లో జెఫ్రీ చేతిలో పెంటేల హరికృష్ణ ఓడిపోవడం వల్ల ఎదురు దెబ్బ తగిలింది. ఆ తర్వాత రాబ్సన్‌ చేతిలో అధిబన్‌.. ఇరీనా చేతిలో కోనేరు హంపి(Chess Olympiad India 2021) పరాజయం పాలవడం వల్ల భారత్ 0-3తో వెనకబడిపోయింది. ఆ తర్వాత జరిగిన మూడు గేమ్‌లలో ఒకే ఒక్క గేమ్‌ గెలిచిన మన జట్టు ఓటమి చవిచూసింది. నాజీపై హారిక గెలవగా, లియాంగ్‌తో నిహాల్‌ సరీన్‌ డ్రా చేసుకున్నాడు. సెర్‌వాంటిస్‌ చేతిలో వైశాలి పరాజయం పాలైంది. అమెరికాతో తొలి రెండు రౌండ్లలో ఆడిన ఆనంద్‌ టైబ్రేకర్‌కు విశ్రాంతి తీసుకున్నాడు. తొలి రౌండ్లో ఆనంద్‌ గెలిచాడు. రెండో రౌండ్లో ఓడిపోయాడు.