స్టార్ స్ప్రింటర్ హిమదాస్ మరోసారి సత్తా చాటింది. మహిళల 200 మీటర్ల పరుగులో పసిడి సొంతం చేసుకుంది. పోలాండ్లోని 'పోజ్నన్ అథ్లెటిక్స్ గ్రాండ్ పిక్స్'లో ఈ పతకం సాధించింది.
జాతీయ స్థాయిలో, ప్రపంచ జూనియర్ ఛాంపియన్ టోర్నీల్లో 400 మీటర్ల పరుగులో ఎన్నో పతకాలు సాధించింది హిమ. గత కొంత కాలంగా వెన్ను నొప్పితో బాధపడుతోంది. కాని తాజాగా పోలాండ్లో జరిగిన పోటీల్లో 23.65 సెకన్లలో 200 మీటర్ల రేసును పూర్తి చేసి స్వర్ణం గెలుచుకుంది. ఇదే ఈ ఏడాది హిమకు దక్కిన తొలి పతకం. ఈమె గతేడాది ఇదే దూరాన్ని 23.10 సెకన్లలో పూర్తి చేసి కెరీర్ అత్యుత్తమం నమోదు చేసింది.