నా ప్రదర్శన పట్ల సంతోషంగా ఉన్నా: చాను

ఆసియా వెయిట్​లిఫ్టింగ్​ ఛాంపియన్​షిప్​లో తన ప్రదర్శన పట్ల ఆనందంగా ఉన్నట్లు భారత వెయిట్​లిఫ్టర్​ మీరాబాయ్ చాను తెలిపింది. తనపై ప్రేమతో పాటు మద్దతు తెలిపిన ప్రతి ఒక్కరికీ ధన్యవాదాలు చెప్పింది.

ఆసియా వెయిట్​లిఫ్టింగ్​ ఛాంపియన్​షిప్​లో సరికొత్త రికార్డు నెలకొల్పడం సంతోషంగా ఉందని తెలిపింది భారత వెయిట్​ లిఫ్టర్​ మీరాబాయ్ చాను. ఈ విషయాన్ని ట్విట్టర్​ వేదికగా పేర్కొంది. క్లీన్​ అండ్ జెర్క్​ విభాగంలో 119 కేజీల బరువును ఎత్తిన చాను.. గతంలో చైనా క్రీడాకారిణి జియాంగ్​(118 కేజీ) పేరిట ఉన్న రికార్డును అధిగమించింది. దీంతో పాటు కాంస్య పతకం సాధించింది.

"ఆసియా ఛాంపియన్​షిప్​ పోటీల్లో నా ప్రదర్శన పట్ల సంతోషంగా ఉన్నాను. నాపై ప్రేమతో పాటు మద్దతు తెలిపిన ప్రతి ఒక్కరికీ ధన్యవాదాలు. నిరంతరం కష్టపడుతూ నన్ను నేను మెరుగుపరుచుకుంటాను."

-మీరాబాయ్ చాను, భారత వెయిట్ లిఫ్టర్.

ఇదీ చదవండి:భారత బాక్సర్ల సత్తా- క్వార్టర్స్​లో ఐదుగురు

మీరాబాయ్​ విజయానంతరం ఆమెను కేంద్ర క్రీడా మంత్రి కిరణ్​ రిజిజు ట్విట్టర్​ వేదికగా అభినందించారు.

''ఏడాది అనంతరం మీరాబాయ్​ ఆడుతున్న తొలి పోటీల్లోనే సరికొత్త జాతీయ రికార్డు నెలకొల్పడం.. దీంతో పాటు కాంస్య పతకాన్ని గెలుపొందడం గొప్ప విషయం. ఒలింపిక్​ లక్ష్యంగా నీ సాధన మొదలుపెట్టు మీరాబాయ్''​ అని మంత్రి ట్వీట్ చేశారు.

మంత్రి ట్వీట్​పై స్పందించిన చాను.. ఆయనకు ధన్యవాదాలు తెలిపింది. అత్యుత్తమ క్రీడా సౌకర్యాలతో పాటు అన్ని విధాల మద్దతు ఇచ్చినందుకు కృతజ్ఞతలు అని పేర్కొంది.

ఇదీ చదవండి:వెయిట్​లిఫ్టర్​ మీరాబాయ్ ప్రపంచ రికార్డు