భారత స్టార్ మహిళా అథ్లెట్ ద్యుతి చంద్ తాత్కాలికంగా సస్పెన్షన్కు గురైంది. ఆమెకు నిర్వహించిన శాంపిల్‌- ఏ టెస్టు రిజల్ట్‌ పాజిటివ్గా వచ్చింది. నిషేధిత ఉత్ప్రేరకాలు వాడినట్లు తేలడంతో వరల్డ్ యాంటీ డోపింగ్ ఎజెన్సీ ఆమెను తాత్కాలికంగా బ్యాన్‌ చేస్తున్నట్లు బుధవారం ఒక ప్రకటనలో తెలిపింది.
"వరల్డ్ యాంటీ డోపింగ్ ఏజన్సీలో నిర్దేశించిన విధానానికి అనుగుణంగా మీ(ద్యుతి) మూత్ర నమూనాను జాతీయ డోప్ టెస్టింగ్ ల్యాబ్లో పరీక్ష చేయించాం. అందులో మీరు అండరైన్, ఓస్టారిన్, లిగాండ్రోల్ స్టెరాయిడ్స్ను తీసుకున్నట్లు తేలింది. అందుకు సంబంధించిన పూర్తి నివేదికలను మీకు పంపుతున్నాం. దాంతో పాటు క్రమశిక్షణా చర్యలకు సంబంధించిన నివేదికలను జోడిస్తున్నాం. జాగ్రత్తగా చదవండి!"