థాయ్​లాండ్ ఓపెన్​లో​ భారత బాక్సర్ల ముందంజ

భారత బాక్సర్లు సత్తాచాటుతున్నారు. సోమవారం జరిగిన థాయ్​లాండ్​ ఓపెన్​లో ఏడుగురు బాక్సర్లు క్వార్టర్స్​కు చేరారు. దీపక్ సింగ్, నిఖాత్ జరీన్, మనీషా మౌన్ తదితరులు ఇందులో ఉన్నారు.

థాయ్​లాండ్​ ఓపెన్​లో ఏడుగురు భారత బాక్సర్లు క్వార్టర్స్​కు చేరారు. సోమవారం జరిగిన పోటీల్లో ఆసియన్ ఛాంపియన్​షిప్​లో రజతం దక్కించుకున్న దీపక్ సింగ్(49కేజీ), మాజీ ప్రపంచ ఛాంపియన్ నిఖాత్ జరీన్(51కేజీ) సత్తాచాటారు.

వీరితో పాటు మనీషా మౌన్(57 కేజీ), ఆశిష్ కుమార్(75 కేజీ), మంజూ రాణి(48 కేజీ), ఇండియా ఓపెన్ రజతం గ్రహీత బ్రిజేశ్ యాదవ్(81 కేజీ) క్వార్టర్స్ చేరారు.

మహిళల విభాగంలో ఇప్పటికే భాగ్యబతి కఛారీ క్వార్టర్స్​కు చేరుకుంది. 75 కేజీల విభాగంలో విజయాన్ని సొంతం చేసుకుంది. పురుషుల్లో ఆశిష్ 75 కేజీల కేటగిరిలో థాయ్​లాండ్​కు చెందిన అఫిసిట్​ను ఓడించాడు.

ఇవీ చూడండి.. మహిళల టెన్నిస్​ ర్యాంకింగ్స్​ విడుదల