Vedaant Madhavan Gold Medal: డానిష్ ఓపెన్లో అద్భుత ప్రదర్శన కొనసాగిస్తూ రెండో మెడల్ను తన ఖాతాలో వేసుకున్నాడు నటుడు మాధవన్ కుమారుడు వేదాంత్ మాధవన్. కోపెన్హాగన్లో జరుగుతున్న ఈ టోర్నీలో పురుషుల 800మీ.ల విభాగంలో పసిడి కైవసం చేసుకున్నాడు. 0.10సెకన్ల తేడాతో అలెగ్జాండర్ ఎల్ జోర్న్ను (8:17.38) రెండో స్థానానికి పరిమితం చేసి.. 8:17.28 నిమిషాల్లోనే లక్ష్యం పూర్తి చేశాడు.
Danish Open: భారత్కు పసిడి.. వేదాంత్ మాధవన్ ఘనత - వేదాంత్ మాధవన్
Danish Open: డానిష్ ఓపెన్ స్విమ్మింగ్ టోర్నమెంట్లో బంగారు పతకంతో సత్తాచాటాడు వేదాంత్ మాధవన్. 800మీటర్ల ఫ్రీ స్టైల్ విభాగంలో ఛాంపియన్గా నిలిచి ఈ టోర్నీలో రెండో పతకాన్ని తన ఖాతాలో వేసుకున్నాడు.
vedaant madhavan
ఈ ప్రదర్శనతో బంగారు పతకం సాధించినా.. అంతర్జాతీయ ప్రమాణాలకు దూరంగానే ఉన్నాడు వేదాంత్. అమెరికాకు చెందిన రాబర్ట్ ఫింకే టోక్యో ఒలింపిక్స్లో గోల్డ్ మెడల్ను 7:41.87 టైమింగ్తో కైవసం చేసుకున్నాడు. ఇక ఈవెంట్లో ప్రపంచ రికార్డు 7:32.12 నిమిషాలు. అయితే ప్రస్తుత టోర్నీలో పాల్గొన్న మూడు ఈవెంట్లలోనూ వ్యక్తిగత అత్యుత్తమ టైమింగ్ను అధిగమించి వేగంగా మెరుగవుతున్నట్లు చెప్పాడు వేదాంత్. శుక్రవారం జరిగిన ఫ్రీస్టైల్ ఈవెంట్లో రజతం గెలిచాడు.
ఇదీ చూడండి:మాధవన్ కుమారుడి ఘనత.. డానిష్ ఓపెన్ స్విమ్మింగ్లో సిల్వర్