Chirag Shetty Satwiksairaj Rankireddy :స్టార్ షట్లర్లు చిరాగ్ షెట్టి- సాత్విక్ సాయిరాజ్ భారత అత్యున్నత పురస్కారానికి ఎంపికయ్యారు. కేంద్ర క్రీడా మంత్రిత్వ శాఖ బుధవారం ఈ జోడికి 'మేజర్ ధ్యాన్‌చంద్‌ ఖేల్రత్న' అవార్డు ప్రకటించింది. అలాగే టీమ్ఇండియా స్టార్ పేసర్ మహ్మద్ షమీకి 'అర్జునా అవార్డు' లభించింది. షమీతోపాటు మరో 25 మంది అథ్లెట్లు అర్జునా అవార్డుకు ఎంపికయ్యారు. వీరందరు 2024 జనవరి 9న రాష్ట్రపతి భవన్లో ప్రెసిడెంట్ ఆఫ్ ఇండియా ద్రౌపది ముర్ము చేతుల మీదుగా అవార్డు అందుకోనున్నారు. ఇక భారత్లో 'ఖేల్రత్న', 'అర్జున అవార్డు' అత్యున్నత క్రీడా పురస్కారాలుగా ఉన్న విషయం తెలిసిందే.
అర్జునా అవార్డు 2023కు ఎంపికైన అథ్లెట్లు :
- క్రిషన్ బహదూర్- హాకీ
- సుశీల చాను- హాకీ
- ఓజస్ ప్రవీణ్- ఆర్చరీ
- అధితి గోపిచంద్- ఆర్చరీ
- శ్రీ శంకర్- అథ్లెటిక్స్
- పారుల్ చౌదరి- అథ్లెటిక్స్
- మహ్మద్ హుసాముద్దీన్- బాక్సింగ్
- వైశాలీ- చెస్
- అనుశ్ అగర్వాల్- ఈక్వెస్ట్రిన్
- దివ్యకృతి సింగ్- ఈక్వెస్ట్రిన్ డ్రెస్సెజ్
- దీక్ష దాగర్- గోల్ఫ్
- పవన్ కుమార్- కబడ్డీ
- రితూ నేగి- కబడ్డీ
- నస్రీన్- ఖో ఖో
- పింకి- లాన్ బౌల్స్
- ఐశ్వర్య ప్రతాప్ సింగ్- షూటింగ్
- ఈషా సింగ్- షూటింగ్
- హరిందర్ పాల్ సింగ్- స్క్వాష్
- ఐతికా ముఖర్జీ- టేబుల్ టెన్నిస్
- సునీల్ కుమార్- రెజ్లింగ్
- ఆంటిమ్- రెజ్లింగ్
- రోషిబినా దేవి- వూషూ
- శీతల్ దేవి- పారా ఆర్చరీ
- అజయ్ కుమార్ రెడ్డి- బ్లైండ్ క్రికెట్
- ప్రాచి యాదవ్- పారా కానోయింగ్
భారత్ చరిత్రలో తొలిసారి :సాత్విక్- చిరాగ్ జోడీ ఆక్టోబర్లో ప్రపంచ బ్యాడ్మింటన్ ర్యాంకింగ్స్లో నెం. 1 స్థానాన్ని దక్కించుకుంది. ఇలా పురుషుల డబుల్స్లో అగ్రస్థానాన్ని దక్కించుకున్న తొలి జోడీగా సాత్విక్- చిరాగ్ నిలిచారు. ఇక గతేడాది ఈ జోడీ థామస్ కప్,ళ ఇంగ్లాండ్లో జరిగిన కామన్వెల్త్ గేమ్స్లో గోల్డ్, వరల్డ్ ఛాంపియన్షిప్స్లో కాంస్యం దక్కించుకుంది.