Canada Open Badminton 2023 Final : కెనడా ఓపెన్ ప్రపంచ టూర్‌ సూపర్‌ 500 టోర్నీలో పురుషుల సింగిల్స్ ఫైనల్స్లో లక్ష్యసేన్ గెలుపొందాడు. ఫైనల్లో తన ప్రత్యర్థి.. ప్రపంచ పదో ర్యాంకర్ చైనా ఆటగాడు షై ఫెంగ్తో జరిగిన మ్యాచ్లో రెండు సెట్లలో 21-18, 22-20 తేడాతో విజయం సాధించి ఛాంపియన్గా నిలిచాడు. ఇండియా ఓపెన్ బ్యాడ్మింటన్ 2022 టోర్నీలో విజయం సాధించిన తర్వాత లక్ష్యసేన్.. బీడబ్ల్యూఎఫ్ ఛాంపియన్గా నిలవడం ఇది రెండోసారి.
- రౌండ్ 32లో థాయ్లాండ్ ప్లేయర్ ప్రపంచ నాలుగో ర్యాంకర్ కున్లావుత్ పై 21-18, 21-15 తేడాతో గెలిచాడు.
- రౌండ్ 16లో బ్రెజిల్ ప్లేయర్ ఒలివిరాతో పోరాడిన లక్ష్యసేన్.. 21-15, 21-11తో చిత్తుచేసి క్వార్టర్ ఫైనల్స్లో అడుగుపెట్టాడు.
- జర్మన్ ఆటగాడు కరాగితో క్వార్టర్స్లో తలపడ్డాడు లక్ష్యసేన్. ఈ మ్యాచ్తో కెనడా ఓపెన్ 500లో లక్ష్యసేన్ మొదటిసారి మూడో సెట్ ఆడాల్సి వచ్చింది. ఫస్ట్ సెట్లో లక్ష్య.. తన ప్రత్యర్థి కరాగిపై 21-8 భారీ ఆధిక్యం సాధించాడు. కానీ రెండో సెట్లో జర్మన్ ప్లేయర్ 21-17తో లక్ష్యసేన్కు గట్టిపోటీ ఇచ్చాడు. దీంతో ఆట మూడో సెట్కు దారితీసింది. ఇక మూడో సెట్లో పుంజుకున్న లక్ష్య.. మళ్లీ ఆధిక్యంలోకి దూసుకొచ్చి 21-10 తో క్వార్టర్స్లో కరాగిపై విజయం సాధించాడు.
- సెమీఫైనల్లో జపాన్ ఆటగాడు కెంటా నిషిమొటొను 21-17, 21-14తో నాలుగో సీడ్‌లో లక్ష్య చిత్తుచేశాడు. ప్రపంచ 11వ ర్యాంకర్ నిషిమొటొను లక్ష్య 44 నిమిషాల్లో మట్టికరిపించాడు. ఆరంభంలో కాస్త ఇబ్బంది పడ్డట్లు కనిపించిన లక్ష్య.. కొద్దిసేపటికే మళ్లీ ఫామ్లోకి వచ్చి గెలుపొంది ఫైనల్స్లోకి దూసుకెళ్లాడు.