ఐపీఎల్ తరహాలో ఇండియన్ బాక్సింగ్ లీగ్ రాబోతుంది. ఈ విషయాన్ని భారత బాక్సింగ్ ఫెడరేషన్(బీఎఫ్ఐ) నేడు ప్రకటించింది. ఈ ఏడాది జులై - ఆగస్టు నుంచి బాక్సింగ్ లీగ్ నిర్వహించే అవకాశముంది.
జులైలో ఇండియన్ బాక్సర్ల పంచులు షురూ! - BFI
ఇండియన్ బాక్సింగ్ లీగ్ జులై - ఆగస్టులో నిర్వహించనున్నట్లు భారత బాక్సింగ్ ఫెడరేషన్ ప్రకటించింది. భారత బాక్సర్లతో పాటు విదేశీ క్రీడాకారులు కూడా ఈ లీగ్లో ఆడనున్నారు.
బాక్సింగ్
2017 నుంచి బాక్సింగ్ లీగ్ నిర్వహించాలని బీఎఫ్ఓఐ ఆలోచిస్తుంది. ఇప్పుడు ఈ అంశంపై ముందడుగేసింది. భారత బాక్సర్లు అమిత్ పంఘాల్, శివథాపా, సరిత దేవిలతో పాటు విదేశీ క్రీడాకారులు కూడా ఈ పోటీలో ఆడనున్నారు.
ఈ టోర్నమెంట్ మూడు వారాల పాటు జరుగనుంది. ఫ్రాంఛైజీ యాజమానులను, టైటిల్ స్పాన్సర్లను త్వరలో ప్రకటిస్తామని లీగ్ నిర్వహించబోయే స్పోర్ట్స్ లైవ్ కంపెనీ అతుల్ పాండే తెలిపారు.