భారత ప్రొఫెషనల్‌ బాక్సర్ విజేందర్ సింగ్‌ అమెరికా గడ్డపై కాస్త ఆలస్యంగా అడుగు పెట్టనున్నాడు. గతంలో ప్రకటించిన షెడ్యూల్‌ ప్రకారం ఏప్రిల్ 12న విజేందర్ బౌట్‌లో పాల్గొనాల్సి ఉంది. అయితే ప్రాక్టీస్ సెషన్‌లో ఎడమ కంటికి గాయం అయింది. అందుకే మ్యాచ్లో ఆడలేకపోతున్నట్టు వెల్లడించాడు.
అమెరికా బౌట్కు విజేందర్ దూరం- గాయమే కారణం
ఏప్రిల్లో బాక్సర్ విజేందర్ ఆటను చూద్దామనుకున్న అభిమానులకు నిరాశ ఎదురైంది. అమెరికాలో జరిగే బౌట్కు గాయం కారణంగా హాజరుకావట్లేదని ట్విట్టర్ ద్వారా వెల్లడించాడీ హరియాణా బాక్సర్.
గాయంతో బౌట్కు దూరమైన బాక్సర్ విజేందర్
' నా అభిమానులకు చేదు కబురు. స్పారింగ్ సెషన్(ప్రాక్టీస్ )లో నా ఎడమ కంటికి గాయమైంది. ఆరు కుట్లు వేశారు. అందుకే ఏప్రిల్ 12న అమెరికాలోని లాస్ఏంజెల్స్లో జరగాల్సిన మ్యాచ్లో ఆడలేకపోతున్నాను.'
-- విజేందర్, భారత బాక్సర్
2015లో ప్రొఫెషనల్‌ బాక్సర్ అవతారమెత్తిన విజేందర్ ఇప్పటివరకు 10 బౌట్‌లలో పోటీపడి అన్నింట్లోనూ విజయం సాధించాడు.