Australian Open Badminton 2023 : ఆస్ట్రేలియా ఓపెన్ 2023లో భారత షట్లర్ కిదాంబి శ్రీకాంత్కు షాక్ తగిలింది. క్వార్టర్ ఫైనల్స్లో శ్రీకాంత్.. మరో భారత్ షట్లర్ ప్రియాన్షు ప్రజావత్తో తలపడి ఓటమిపాలయ్యాడు. ఏకపక్షంగా సాగిన ఈపోరులో ప్రియాన్షు 21 - 13, 21- 8 భారీ తేడాతో శ్రీకాంత్పై గెలిచి సెమీస్కు అర్హత సాధించాడు. ఈ ఓటమితో శ్రీకాంత్ టోర్నీ నుంచి నిష్క్రమించాడు.
Australian Open : భారత షట్లర్ల మధ్య 'ఢీ'.. సెమీస్లో ప్రియాన్షు X ప్రణయ్.. శ్రీకాంత్ ఔట్..
Australian Open Badminton 2023 : ఆస్ట్రేలియా ఓపెన్ 2023 నుంచి భారత షట్లర్ కిదాంబి శ్రీకాంత్ నిష్క్రమించాడు. అతడిని స్వదేశీ ప్లేయర్ ప్రియాన్షు ప్రజావత్ 21 - 13, 21- 8 తేడాతో ఓడించి.. సెమీస్లోకి దూసుకెళ్లాడు. మరో క్వార్టర్స్లో షట్లర్ ప్రణయ్.. ఇండోనేసియా ఆటగాడిపై విజయం సాధించాడు. శనివారం భారత స్వదేశీ ప్లేయర్లు ప్రియాన్షు, ప్రణయ్ల మధ్య సెమీస్ జరగనుంది.
ఆస్ట్రేలియా ఓపెన్ సెమీస్ 2023
ఆస్ట్రేలియా ఓపెన్ 2023 ఎవరి జర్నీ ఎలా..
- ఈ టోర్నీలో 32వ రౌండ్లో న్యూజిలాండ్ ప్లేయర్ తాంగ్తో తలపడ్డ ప్రియాన్షు.. 21 - 12, 21 - 16 తేడాతో గెలిచాడు.
- 16వ రౌండ్లో వాంగ్ను ఎదుర్కున్న ప్రియాన్షు మొదటి సెట్ను 21 -8 తో నెగ్గాడు. తర్వాత అనూహ్యంగా పుంజుకున్న వాంగ్.. 21 - 13తో రెండో సెట్ గెలిచాడు. దీంతో మూడో సెట్ ఆడాల్సి వచ్చింది. ఇక విన్నర్ డిసైడర్ మూడో సెట్లో హోరాహోరీ పోటీ నడిచింది. ప్రియాన్షు ఆఖర్లో పుంజుకొని.. 21 - 19 స్వల్ప ఆధిక్యంతో గట్టెక్కాడు.
- స్టార్ షట్లర్ కిందాబి శ్రీకాంత్ 32వ రౌండ్ సులువుగా నెగ్గాడు. ప్రత్యర్థి నిషిమోటోపై 21 -18, 21 -7 తేడాతో వరుసగా రెండు సెట్లలో తిరుగులేని ఆధిపత్యం సాధించాడు.
- ఇక 16వ రౌండ్లో కూడా కిదాంబి తన జోరు ప్రదర్శించాడు. ఈ రౌండ్లో ఎల్.వై.సుతో తలపడిన శ్రీకాంత్.. 21- 10, 21-17 తేడాతో గెలుపొంది క్వార్టర్స్లో అడుగుపెట్టాడు. ఇప్పుడు క్వార్టర్స్లో ప్రియాన్షు చేతిలో ఓడిపోయాడు.
మరో క్వార్టర్స్లో ఇండోనేసియా ప్లేయర్ గింటింగ్తో తలపడ్డ భారత షట్లర్ ప్రణయ్.. అద్భుత విజయం సొంతం చేసుకున్నాడు. ఈ పోరులో మొదటి సెట్ను గింటింగ్ 21 - 16తో గెలిచాడు. తర్వాత రెండో సెట్లో పుంజుకున్న ప్రణయ్ 17 - 21తో గింటింగ్పై పైచేయి సాధించాడు. మూడో సెట్లో ప్రత్యర్థిని అలవోకగా ఎదుర్కొన్న ప్రణయ్ 14 - 21తో ఓడించి.. సెమీస్కు దూసుకెళ్లాడు. కాగా భారత షట్లర్లు ప్రియాన్షు, ప్రణయ్ల మధ్యే శనివారం సెమీఫైనల్స్ మ్యాచ్ జరగనుంది.