దోహా వేదికగా జరుగుతోన్న 14వ ఆసియా షూటింగ్ ఛాంపియన్షిప్ ఫైనల్లో నిరాశపర్చింది మహిళా షూటర్ తేజస్విని. శనివారం జరిగిన 50 మీటర్ల మహిళల రైఫిల్ విభాగంలో ఫైనల్‌కు వెళ్లిన ఈ షూటర్.. 1171 పాయింట్లతో ఐదో స్థానంలో నిలిచింది. పతకం సాధించలేకపోయినా ఒలింపిక్ బెర్త్ సంపాదించింది. తొలిసారి మెగాటోర్నీలో ప్రాతినిధ్యం వహించనుంది.
తేజస్విని.. ప్రపంచ ఛాంపియన్షిప్లో స్వర్ణం, ప్రపంచకప్, కామన్వెల్త్ క్రీడల్లో పతకాలు తెచ్చింది.
2010లో మ్యూనిచ్ వేదికగా జరిగిన ప్రపంచ ఛాంపియన్షిప్లో ప్రపంచ రికార్డును సమం చేసింది. ఈ గేమ్స్లో తొలిసారి స్వర్ణం గెలిచిన తొలి క్రీడాకారిణిగా ఘనత సాధించింది.