Asian Games India 100 Medals : భారత్@100.. ఆసియా గేమ్స్​లో నయా రికార్డ్​.. మోదీ స్పెషల్ విషెస్

Asian Games India 100 Medals : హంగ్జౌ వేదికగా జరుగుతున్న 2023 ఆసియా క్రీడల్లో భారత్.. చరిత్రాత్మక మైలురాయి అందుకుంది. ఈ ఆసియా పోటీల్లో భారత్.. 100 పతకాలను ఖాతాలో వేసుకుంది.

Asian Games India 100 Medals :ఆసియా గేమ్స్​లో భారత అథ్లెట్లు నయా చరిత్ర సృష్టించారు. గతంలో ఎప్పుడూ లేనివిధంగా భారత్.. ఈసారి ఆసియా పోటీల్లో 100 పతకాలు సాధించి రికార్డు కొట్టింది. ఒక్క శనివారం రోజే భారత్.. 3 స్వర్ణాలు ఖాతాలో వేసుకుంది. దీంతో భారత్ బంగారు పతకాల సంఖ్య 25కు చేరింది. ఇక మరో 35 రజతాలు, 40 కాంస్య పతకాలను భారత అథ్లెట్లు సాధించారు. కాగా పోటీలు ముగియడానికి ఇంకా ఒక రోజు సమయం ఉండడం వల్ల ఈ పతకాల సంఖ్య మరింత పెరగవచ్చు.

మోదీ శుభాకాంక్షలు
ఇంతటి ఘనత అందుకున్న భారత అథ్లెట్లకు దేశ ప్రధాన మంత్రి.. నరేంద్ర మోదీ శుభాకాంక్షలు తెలిపారు. "ఆసియా క్రీడల్లో భారత్ గొప్ప ఘనతను సాధించింది. భారత్​ 100 పతకాల మైలురాయి అందుకున్నందుకు దేశ ప్రజలు హర్షం వ్యక్తం చేస్తున్నారు. దేశానికి చారిత్రక విజయాల్ని అందించిన అథ్లెట్లకు నా హృదయపూర్వక ధన్యవాదాలు" అని ట్విట్టర్​లో రాసుకొచ్చారు. ఇక క్రీడాకారుల ప్రతి ప్రదర్శన చరిత్ర సృష్టించటమే కాకుండా దేశ ప్రజలు గర్వపడేలా చేసిందన్నారు. 10వ తేదీన ఆసియా క్రీడల్లో క్రీడాకారుల బృందానికి ఆతిథ్యం ఇవ్వడానికి, వారితో సంభాషించడానికి ఆసక్తిగా ఎదురుచూస్తున్నట్లు ప్రధాని మోదీ పేర్కొన్నారు.

మన బంగారాలు వీళ్లే..

• భారత మహిళల కబడ్డీ జట్టు
• ఓజస్​ ప్రవిణ్​ డియోటెల్.. ఆర్చరీ
• జ్యోతి సురేఖ వెన్నెం.. ఆర్చరీ
• భారత పురుషుల హాకీ జట్టు
• భారత పురుషుల కాంపౌండ్​ టీమ్​.. ఆర్చరీ
• భారత పురుషుల మిక్స్​డ్​ డబుల్స్.. ఆర్చరీ
• భారత మహిళల కాంపౌండ్​ టీమ్​.. ఆర్చరీ
• పురుషుల రిలే జట్టు
• నీరజ్ చోప్రా.. జావెలిన్​ త్రో
• భారత పురుషుల మిక్స్​డ్ కాంపౌండ్​.. ఆర్చరీ
• అన్నూ రాణి.. జావెలిన్​ త్రో
• పారుల్​ చౌదరీ.. 5వేల మీటర్ల రేస్
• తజిందర్​ పాల్​ సింగ్​.. షాట్​పుట్​
• అవినాశ్ సాబ్లే .. 3000 మీటర్ల స్టీపుల్​చేజ్​
• భారత పురుషుల ట్రాప్​ జట్టు
• భారత స్క్వాష్​ టీమ్​
• భారత్ మిక్స్​డ్​ డబుల్స్ రోహన్ - రుతుజ​.. టెన్నిస్​
• పాలక్​ గులియా.. 10మీ ఎయిర్​ పిస్టల్
• భారత పురుషుల జట్టు.. 50మీ రైఫిల్​
• భారత పురుషుల జట్టు.. 10మీ ఎయిర్​ పిస్టల్
• షిఫ్ట్​ కౌర్​ సమ్రా.. 50మీ రైఫిల్​
• భారత మహిళల జట్టు.. 25మీ పిస్టల్​
• భారత్​ జట్టు.. ఈక్వస్ట్రియన్​