Asian Athletics Championships 2023 : జూలై 12న బ్యాంకాక్లో ప్రారంభమైన ఆసియా అథ్లెటిక్స్ ఛాంపియన్షిప్స్లో ఆంధ్రప్రదేశ్కు చెందిన 23 ఏళ్ల జ్యోతి యర్రాజీ సత్తా చాటింది. ఆసియా అథ్లెటిక్స్ ఛాంపియన్షిప్స్లో మహిళల 100 మీటర్ల హర్డిల్స్లో గెలుపొంది భారత్కు మరో స్వర్ణాన్ని అందించింది. కేవలం 13.09 సెకన్లలో ఈ ఫీట్ను అందుకుంది. జపాన్కు చెందిన టెరాడా అసుకా (13.13 సెకన్లు), అయోకి మసుమి (13.26 సెకన్లు) రన్నరప్లుగా నిలిచారు. అలాగే భారత్కు చెందిన మరో ఇద్దరు అథ్లెట్లు కూడా వేర్వేరు విభాగాల్లో పాల్గొని బంగారు పతకాలు గెలుపొందారు. దీంతో ఆట రెండో రోజే భారత్ ఖాతాలో మూడు స్వర్ణాలు చేరాయి.
Ajay Kumar Saroj Gold Medal : గురువారం ప్రారంభమైన ఈ అంతర్జాతీయ ఈవెంట్లోని పురుషుల విభాగంలో భారత అథ్లెట్ 26 ఏళ్ల అజయ్ కుమార్ సరోజ్ 1500 మీటర్ల హర్డిల్స్లో నెగ్గి స్వర్ణం సాధించాడు. గత నెలలో అమెరికాలో జరిగిన ఒక ఈవెంట్‌లో పాల్గొన్న సిరోజ్ వ్యక్తిగత అత్యుత్తమం 3:39.19 సెకన్లు కాగా.. ఆసియా అథ్లెటిక్స్ ఛాంపియన్షిప్స్లో కేవలం 2 నిమిషాల 30 సెకన్లు తీసుకున్నాడు. ఇతడు 2017లో భువనేశ్వర్‌లో స్వర్ణం, 2019లో దోహాలో రజతం సాధించాడు.
Abdulla Aboobacker Gold Medal : ఇక కామన్వెల్త్ గేమ్స్ రజత పతక విజేత 27 ఏళ్ల అబ్దుల్లా అబూబకర్ పురుషుల ట్రిపుల్ జంప్(16.92 మీటర్లు) ఈవెంట్‌లో గెలుపొంది తన నాల్గవ ప్రయత్నంలో భారత్కు ముచ్చటగా మూడో స్వర్ణం అందించాడు. జపాన్కు చెందిన ఇకెహటా హికారు (16.73 మీ), కొరియాకు చెందిన జాంగ్వూ కిమ్ (16.59 మీ) రన్నరప్లుగా నిలిచారు. భారత్కు చెందిన మరో అథ్లెట్ ఐశ్వర్య మిశ్రా (53.07 సెకన్లు) మహిళల 400 మీటర్ల విభాగంలో కాంస్యం గెలిచింది. ఇక బుధవారం ప్రారంభమైన ఈ పోరులో పురుషుల విభాగంలోని 10వేల మీటర్ల రేసులో మరో భారత్ పరుగు వీరుడు అభిషేక్ పాల్ కాంస్యం గెలిచి భారత్ పతకాల ఖాతాను తెరిచాడు.
మరో ఆంధ్రా అమ్మాయి..
Jyothi Yarraji Gold Medal : జ్యోతి యర్రాజీ జాతీయ రికార్డు 12.82 సెకన్లుగా ఉంది. గతనెల 16న భువనేశ్వర్‌లో జరిగిన జాతీయ సీనియర్‌ అంతర్రాష్ట్ర అథ్లెటిక్స్ ఛాంపియన్షిప్స్లో కూడా జ్యోతి యర్రాజీ ఒక స్వర్ణం (12.92 సెకన్లు), ఒక కాంస్య పతకాలను దక్కించుకుంది. ప్రస్తుతం బ్యాంకాక్లో జరుగుతున్న ఆసియా అథ్లెటిక్స్ ఛాంపియన్షిప్స్ పోటీలు ఈనెల 16వరకు జరగనుండగా.. భారత్ నుంచి మొత్తం 54 మంది అథ్లెట్లు పాల్గొంటున్నారు. ఇందులో ఆంధ్ర నుంచి మరో అమ్మాయి దండి జ్యోతిక శ్రీ కూడా ఉన్నారు. ఇక 200 మీటర్ల విభాగంలో కూడా జ్యోతి యర్రాజీ తలపడనుంది.
