Argentina Football Bomb: అర్జెంటీనాలో ఫుట్బాల్ అభిమానులు బీభత్సం సృష్టించారు. మ్యాచ్ చూడడానికి వచ్చిన అభిమానులు ఫీల్డ్లోకి బాంబులు విసిరి మైదానాన్ని ధ్వంసం చేశారు. దీంతో నెవెల్స్ ఓల్డ్ బాయ్స్, రోసరియో సెంట్రల్ జట్ల ఆదివారం జరగాల్సిన ఫుట్బాల్ మ్యాచ్ ఆలస్యమైంది. ఈ మేరకు నెవెల్స్ క్లబ్ ట్వీట్ చేసింది.
చిరకాల ప్రత్యర్థుల మధ్య ఆట కొంత ఆలస్యంగా మొదలైనా.. 2016 తర్వాత మొదటిసారిగా న్యూవెల్స్ ఓల్డ్ బాయ్స్ విజయం సాధించింది. "మాకు ఆడే సత్తా ఉంది. మీ దగ్గర గ్రెనేడ్లు ఉన్నాయి. అంతే తేడా.. గెలుపు మాత్రం మాదే" అని నెవెల్స్ ఓల్డ్ బాయ్స్ గెలిచిన తర్వాత ట్వీట్ చేసింది.
బాంబు పేలుడుకు సంబంధించిన వీడియోలు సోషల్మీడియాలో వైరల్గా మారాయి. దక్షిణ అమెరికాలోని ఫుట్బాల్ అభిమానులు.. ఇదివరకు చాలా సార్లు మ్యాచులు జరుగుతున్న సమయాల్లో అల్లర్లు సృష్టించడం గమనార్హం.