ఆర్చరీ ప్రపంచకప్లో భారత క్రీడాకారులు సత్తాచాటుతున్నారు. సుదీర్ఘ కాలం తర్వాత అంతర్జాతీయ టోర్నీలో బరిలో నిలిచిన భారత ఆర్చర్లు.. రికర్వ్‌ పురుషులు, మహిళలు, మిక్స్‌డ్‌ టీమ్‌ విభాగాల్లో క్వార్టర్‌ఫైనల్లోకి దూసుకెళ్లారు.
మహిళల అర్హత రౌండ్లో భారత జట్టు అగ్రస్థానం కైవసం చేసుకుంది. ర్యాంకింగ్‌ రౌండ్లో అంకిత భకత్‌ (673) ద్వితీయ, దీపిక కుమారి (671) తృతీయ స్థానాల్లో నిలిచారు. కోమలిక బారి (659) 12వ స్థానం సాధించింది. ఓవరాల్‌గా భారత్‌కు అగ్రస్థానం దక్కింది.