ప్రముఖ బాస్కెట్బాల్ ఆటగాడు కోబ్ బ్రాయంట్ మరణవార్త విని యావత్‌ క్రీడాభిమానులు దిగ్భ్రాంతికి గురయ్యారు. ఆదివారం కాలిఫోర్నియాలోని లాస్‌ఏంజెల్స్‌లో జరిగిన హెలికాప్టర్ ప్రమాదంలో కోబ్, ఆయన కుమార్తె జియానా(13)తో సహా 9 మంది మృతి చెందారు. అయితే కోబ్ మరణవార్తను ఓ నెటిజన్ 2012లోనే ఊహించాడు. ఏడేళ్ల కింద చేసిన ఆ ట్వీట్ ప్రస్తుతం వైరల్గా మారింది. 'నోసో' అనే వ్యక్తి.. బ్రాయంట్ హెలికాఫ్టర్‌ ప్రమాదంలో మరణిస్తాడని 2012 నవంబర్‌ 14న ట్వీట్ చేశాడు. ఇది చూసిన అతడి ఫాలోవర్లు నోసోపై మండిపడ్డారు.
కోబ్ మృతికి.. నెటిజన్ ట్వీట్కు సంబంధమేంటి..!
ప్రముఖ బాస్కెట్బాల్ క్రీడాకారుడు కోబ్ బ్రాయంట్ హెలికాప్టర్ ప్రమాదంలో మరణించాడు. అయితే ఇతడు హెలికాప్టర్ ప్రమాదంలో మరణిస్తాడని ఓ నెటిజన్ 2012లోనే ఊహించాడు. ప్రస్తుతం ఈ ట్వీట్ నెట్టంట వైరల్గా మారింది.
Kobe Bryant
అయితే, ఆ నెటిజన్ చెప్పినట్లుగానే కోబ్ హెలికాఫ్టర్‌ ప్రమాదంలో మరణించాడు. ఈ కారణంగా సోమవారం ఆ నెటిజన్ ఏడేళ్ల నాటి తన ట్వీట్కు క్షమాపణలు చెప్పాడు. అమెరికా కాలమానం ప్రకారం ఆదివారం ఉదయం సుమారు 9 గంటలకు కోబ్ ప్రయాణిస్తున్న హెలికాఫ్టర్‌ లాస్‌ఏంజెల్స్‌లోని పశ్చిమాన ఓ కొండను ఢీ కొట్టింది. ఈ ప్రమాదంలో హెలికాప్టర్‌లో ప్రయాణిస్తున్న వారంతా మృతిచెందారు. కోబ్ మృతిపై ప్రముఖులతో పాటు అతడి అభిమానులు పెద్ద ఎత్తున సంతాపం తెలుపుతున్నారు.
ఇవీ చూడండి.. బ్రాయాంట్ మృతి: ట్రంప్, ఒబామా, కోహ్లీ, రొనాల్డో నివాళి
Last Updated : Feb 28, 2020, 4:06 AM IST