కరోనా కారణంగా జాతీయ క్రీడలు వాయిదా

ఈ ఏడాది జరగబోయే జాతీయ క్రీడలను వాయిదా వేస్తున్నట్లు ప్రకటించింది భారతీయ ఒలింపిక్ సమాఖ్య. కరోనా కారణంగా వాయిదా వేస్తున్నట్లు తెలిపింది.

కరోనా కారణంగా ఇప్పటికే పలు క్రీడాటోర్నీలు రద్దయ్యాయి. తాజాగా 36వ జాతీయ క్రీడలను వాయిదా వేస్తున్నట్లు ప్రకటించారు భారతీయ ఒలింపిక్ సమాఖ్య అధ్యక్షుడు నరీందర్ బత్రా. ఈ క్రీడలు అక్టోబర్-నవంబర్​లో గోవాలో జరగాల్సి ఉన్నాయి.

"దేశంలో కరోనా తీవ్రత పెరుగుతున్న దృష్ట్యా జాతీయ క్రీడల్ని వాయిదా వేస్తున్నాం. సెప్టెంబర్​లో సమావేశం ఏర్పాటు చేసి కొత్త తేదీలను ప్రకటిస్తాం."

-ఐఓఏ

అక్టోబర్​ 20 నుంచి నవంబర్ 4 మధ్య జాతీయ క్రీడలను నిర్వహించాలని ఇటీవల గోవా ప్రభుత్వాన్ని కోరింది ఐఓఏ. కానీ కరోనా మహమ్మారి విజృంభిస్తోన్న తరుణంలో వాయిదా వేయడమే మంచిదని భావించింది ప్రభుత్వం.