13వ సౌత్ ఆసియాన్ గేమ్స్ ఆదివారం ఘనంగా ప్రారంభమయ్యాయి. ఈ పోటీలకు నేపాల్ రాజధాని కాఠ్మాండ్ ఆతిథ్యమిస్తోంది. మొత్తం పదిరోజుల పాటు ఈ క్రీడలు జరగనున్నాయి. ప్రారంభ వేడుకలను దశరథ్‌ స్టేడియంలో అట్టహాసంగా నిర్వహించారు. సాంస్కృతిక కార్యక్రమాలతో పాటు పోటీల్లో పాల్గొంటున్న జట్లు చేసిన మార్చ్‌ ఫాస్ట్‌ కనులవిందు చేసింది.
ఈ పోటీల్లో 75 మందితో కూడిన భారత బృందానికి షాట్‌పుట్ ఆటగాడు తేజిందర్‌పాల్‌ సింగ్‌, 1500 మీటర్ల రేసర్‌ చిత్ర నేతృత్వం వహించారు. భారత్తో పాటు ఆతిథ్య నేపాల్, బంగ్లాదేశ్‌, భూటాన్‌, మాల్దీవులు, పాకిస్థాన్‌, శ్రీలంక దేశాలు పాల్గొన్నాయి.