హాకీ మాజీ అంపైర్​ సురేష్ ఠాకుర్ మృతి

హాకీ మాజీ అంపైర్​ సురేష్ కుమార్ ఠాకుర్​ కరోనా సంబంధిత సమస్యల కారణంగా మరణించారు. 51 ఏళ్ల ఠాకుర్​ మొహాలీలో మృతి చెందినట్లు హాకీ ఇండియా ప్రకటించింది.

హాకీ మాజీ అంపైర్ సురేష్ కుమార్ ఠాకుర్​.. కొవిడ్ సంబంధిత సమస్యలతో మృతి చెందారు. ఈ విషయాన్ని హాకీ ఇండియా అధికారికంగా ప్రకటించింది.

జర్మనీ హంబర్గ్​లో నిర్వహించిన ఫోర్ నేషన్ టోర్నీతో పాటు మలేసియా వేదికగా జరిగిన అజ్లాన్ షా హాకీ టోర్నీలో ఠాకుర్​ అంపైర్​గా చేశారు. వీటితో పాటు పలు అంతర్జాతీయ టోర్నీల్లో ఆయన సేవలందించారు. 2013, 2014 హాకీ ఇండియా లీగ్​లోనూ పనిచేశారు. ​

అంతర్జాతీయ స్థాయిలో పేరు ప్రఖ్యాతలు గడించిన సురేష్ కుమార్ ఠాకుర్​ను కోల్పోవడం బాధాకరం.. అని హాకీ ఇండియా అధ్యక్షుడు జ్ఞానేంద్ర నింగోంబం తెలిపారు. ఆయన కుటుంబానికి ప్రగాఢ సానుభూతి ప్రకటించారు. ​

ఇదీ చదవండి:ప్రజలకు 'ఆరెంజ్​ ఆర్మీ' కొవిడ్ సందేశం

ఇదీ చదవండి:2022 వన్డే వరల్డ్​కప్​ నా కెరీర్​లో చివరిది: మిథాలీ