టోక్యో వేదికగా వచ్చే ఏడాది జులైలో ప్రారంభం కానున్న ఒలింపిక్స్కు షెడ్యూల్ను ప్రకటించింది అంతర్జాతీయ హాకీ సమాఖ్య(ఎఫ్ఐహెచ్). ఇందులో భారత పురుషుల హాకీ జట్టు ప్రారంభ మ్యాచ్లో న్యూజిలాండ్తో, మహిళల జట్టు నెదర్లాండ్తో తలపడనున్నాయి. జులై 25 నుంచి ఆగస్టు 7 వరకు మ్యాచ్లు నిర్వహించనున్నారు.
బలమైన ప్రత్యర్థులతోనే...
ప్రపంచ ర్యాంకింగ్స్లో 5వ స్థానంలో ఉన్న భారత పురుషుల హాకీ జట్టు.. బలమైన ప్రత్యర్థిగా బరిలోకి దిగుతోంది. ఇప్పటివరకు ఎనిమిది సార్లు ఛాంపియన్గా నిలిచిన టీమిండియా... ఆరంభ మ్యాచ్లో న్యూజిలాండ్తో అమీతుమీకి సిద్ధమవుతోంది. ఆ తర్వాత ప్రపంచ నెం.1 ఆస్ట్రేలియాను ఢీకొట్టనుంది. స్పెయిన్, ఢిఫెండింగ్ ఛాంపియన్ అర్జెంటీనా, ఆతిథ్య జపాన్తోనూ పోటీ పడనుంది మెన్ ఇన్ బ్లూ.
గ్రూప్-ఏ లో ఉన్న భారత జట్టు షెడ్యూల్...
జులై 25- న్యూజిలాండ్, జులై 26- ఆస్ట్రేలియా, జులై 28- స్పెయిన్, జులై 30- అర్జెంటీనా, జులై 31- జపాన్తో తలపడనుంది. ఆగస్టు 6న ఫైనల్ మ్యాచ్ జరగనుంది.
పురుషుల హాకీ జట్టు షెడ్యూల్Tokyo Olympics 2020 మహిళలు...
ప్రపంచ ర్యాంకింగ్స్లో 9వ స్థానంలో ఉన్న మహిళల జట్టు గ్రూప్-ఏలో నిలిచింది. వీరు జులై 25- న్యూజిలాండ్, జులై 27- జర్మనీ, జులై 29-గ్రేట్ బ్రిటన్, జులై 31-ఐర్లాండ్, ఆగస్టు 1- దక్షిణాఫ్రికాతో పోటీ పడనున్నారు. ఆగస్టు 7న ఫైనల్ మ్యాచ్ జరుగుతుంది.
మహిళల హాకీ జట్టు షెడ్యూల్Tokyo Olympics 2020 40 ఏళ్ల కల నెరవేరేనా...
గతంలో భారత పురుషుల జట్టు... 1928 (ఆమ్స్టర్డామ్), 1932 (లాస్ ఏంజిలిస్), 1936 (బెర్లిన్), 1948(లండన్), 1952(హెల్సింకి),1956(మెల్బోర్న్), 1964(టోక్యో), 1980(మాస్కో) స్వర్ణం కైవసం చేసుకుంది. 1980 తర్వాత ఒక్కసారి హాకీలో పతకం తేలేకపోయింది భారత పురుషుల హాకీ జట్టు. 1980 నుంచి పదిసార్లు ఒలింపిక్స్లో పాల్గొన్న మహిళల టీమ్.. ఈసారైనా పతకం తేవాలని ఆశతో చూస్తోంది.
