'ఆ ఆటగాళ్ల కుటుంబాలకు రూ.5 లక్షలు సాయం'

కరోనా కారణంగా మరణించిన ఇద్దరు దిగ్గజ హాకీ ఆటగాళ్ల కుటుంబాలకు రూ.5 లక్షలు ఆర్థిక సాయం చేయనున్నట్లు తెలిపారు కేంద్ర క్రీడా శాఖ మంత్రి కిరణ్ రిజుజు. ఎంకే కౌౌశిక్, రవీందర్ పాల్ సింగ్​ మరణించడం బాధాకరమని ట్వీట్ చేశారు.

కొవిడ్ కారణంగా మృతిచెందిన హాకీ మాజీ క్రీడాకారుల కుటుంబ సభ్యులకు రూ. 5 లక్షలు ఆర్ధిక సాయం చేస్తామని కేంద్ర క్రీడా శాఖ మంత్రి కిరణ్ రిజుజు వెల్లడించారు. ఇటీవలే దిగ్గజ హాకీ ఆటగాళ్లు.. ఎంకే కౌశిక్, రవీందర్ పాల్ సింగ్ కరోనాతో మృతిచెందారు.

"కొవిడ్​ కారణంగా ఇద్దరు హాకీ మాజీ ఆటగాళ్లను భారత్​ కోల్పోయింది. ఎంకే కౌశిక్, రవీందర్​ పాల్ సింగ్​ను భారత్​ ఎప్పటికీ గుర్తుపెట్టుకుంటుంది. ఈ కష్టసమయంలో వారి కుటుంబసభ్యులకు అండగా నిలిచేందుకు రూ. 5 లక్షలు ఒక్కో కుటుంబానికి అందిస్తున్నాం."

--కిరణ్ రిజుజు, కేంద్ర క్రీడా శాఖ మంత్రి.

1980 ఒలింపిక్స్​లో విజయం సాధించిన భారత హాకీ జట్టుకు ఇరువురు దిగ్గజ ఆటగాళ్లు భాగస్వామ్యం వహించారు.

ఇదీ చదవండి:'ఎవరేమన్నా.. టోక్యో ఒలింపిక్స్​ ఆగదు'