మొదటి మ్యాచ్లోనే ఆసియా గేమ్స్ ఛాంపియన్ జపాన్ను ఓడించింది భారత పురుషుల హాకీ జట్టు. టోర్నీలో మొత్తం మూడు విజయాలు సాధించి, ఒక మ్యాచ్ను డ్రా చేసుకుని ఫైనల్కు దూసుకెళ్లింది. 6 దేశాలు పాల్గొంటున్న ఈ లీగ్లో టేబుల్ టాపర్గా ఉన్న భారత్... శుక్రవారం జరిగే నామమాత్రపు మ్యాచ్లో పోలాండ్తో తలపడనుంది.
పోలాండ్(21వ ర్యాంక్)తో జరిగే మ్యాచ్లో 5వ ర్యాంకులో ఉన్న భారత్.. ప్రధానంగా అటాకింగ్పైనే దృష్టి పెట్టనుంది. తుదిపోరుకు సన్నాహకంగా భావిస్తున్న ఈ మ్యాచ్లోనూ గెలవాలని పట్టుదలగా ఉంది. అదే ఊపును ఫైనల్లోనూ ప్రదర్శించి విజయం సాధించాలి అనుకుంటోంది.