కొవిడ్ నేపథ్యంలో ఏడాది పాటు ఆటకు దూరంగా ఉన్న భారత హాకీ జట్టు.. తొలి విజయం నమోదు చేసింది. యూరప్ టూర్లో జర్మనీ వేదికగా జరిగిన నాలుగు మ్యాచ్ల టోర్నీలో తొలి మ్యాచ్లో ఆతిథ్య జట్టుపై 6-1 గోల్స్ తేడాతో ఇండియా గెలుపొందింది. గోల్కీపర్ పీఆర్ శ్రేజేష్ జట్టుకు నేతృత్వం వహించాడు.
12 నెలల తర్వాత ఆడుతున్న భారత జట్టు ప్రత్యర్థి టీమ్కు ఎక్కడా అవకాశం ఇవ్వలేదు. గెలవాలన్న కసి వారి ఆటలో స్పష్టంగా కనిపించింది. ఇండియా తరఫున నీలకంఠ శర్మ(13వ నిమిషంలో), వివేక్ సాగర్ ప్రసాద్(27, 28వ నిమిషాలలో), లలిత్ కుమార్ ఉపాధ్యాయ (41వ నిమిషంలో), ఆకాశ్ దీప్ సింగ్(42వ నిమిషంలో), హర్మన్ప్రీత్ సింగ్(47వ నిమిషంలో)లు గోల్స్ చేశారు.