దిగ్గజ క్రీడాకారుడు బల్బీర్ సింగ్ పరిస్థితి విషమం

దిగ్గజ హాకీ ప్లేయర్ బల్బీర్ సింగ్​ తీవ్ర అనారోగ్యానికి గురికావడం వల్ల ఆసుపత్రిలో చేర్చారు. ప్రస్తుతం ఆయన్ని వెంటిలేటర్​పై ఉంచి చికిత్సనందిస్తున్నారు.

భారత మాజీ హాకీ ప్లేయర్ బల్బీర్ సింగ్ ఆరోగ్య పరిస్థితి విషమంగా ఉంది. 104 డిగ్రీల జ్వరంతో పాటు న్యూమోనియా రావడం వల్ల ఆయన్ని ఆసుపత్రిలో చేర్చించారు. వెంటిలేటర్​పై ఉంచి చికిత్స అందిస్తున్నారు. 96 ఏళ్ల బల్బీర్.. ప్రస్తుతం చంఢీగడ్​లో కుమార్తె, మనవడుతో కలిసి ఉంటున్నారు.

గతంలోనూ న్యూమోనియాకు గురైన బల్బీర్​ను ఆసుపత్రిలో చేర్చారు. అప్పుడు ఆయన 108 రోజుల చికిత్స అనంతరం కోలుకున్నారు. 1948, 1952, 1956 ఒలింపిక్స్​లో బంగారు పతకం గెలుచుకున్న భారత హాకీ జట్టులో​ ఈయన సభ్యుడిగా ఉన్నారు. అనంతరం 1971, 1975లలో కోచ్​గానూ వ్యవహరించారు. అందులో వరుసగా రజతం, గోల్డ్ మెడల్ గెల్చుకుంది ఆ బృందం.​