కరోనా కట్టడిలో భాగంగా భారత మహిళా హకీ క్రీడాకారిణులు, తమ వంతు సాయం అందించేందుకు ముందుకొచ్చారు. 18 రోజుల పాటు ఫిట్నెస్ ఛాలెంజ్లో పాల్గొని, రూ.20,01,130లు విరాళాల రూపంలో సేకరించారు. ఈ మొత్తాన్ని దిల్లీకి చెందిన ఉదయ్ ఫౌండేషన్ స్వచ్ఛంద సంస్థకు అందించనున్నారు. తద్వారా వారు పేదలకు సహాయపడతారు.
కష్టకాలంలో పేదలకు అండగా మహిళా హాకీ ప్లేయర్లు
ఫిట్నెస్ ఛాలెంజ్లో పాల్గొన్న భారత మహిళా హాకీ ప్లేయర్లు.. పేదల కోసం రూ.20 లక్షలు విరాళం సేకరించారు. ఈ మొత్తాన్ని ఉదయ్ ఫౌండేషన్కు బదిలీ చేయనున్నారు.
భారత మహిళా హకీ జట్టు
ఈ విషయంలో తమకొచ్చిన స్పందన చూసి భావోద్వేగానికి గురయ్యామని భారత్ హాకీ కెప్టెన్ రాణి రాంపాల్ చెప్పింది. ఈ మంచి కార్యక్రమంలో పాల్గొని, పేదలకు సాయం చేసిన ప్రతి ఒక్కరికి.. జట్టు సభ్యులందరి తరఫున ధన్యవాదాలు తెలిపింది.
ఈ ఛాలెంజ్లో భాగంగా హాకీ జట్టులోని ప్రతి క్రీడాకారిణి.. మరో 10 మందికి సోషల్ మీడియా వేదికగా ఫిట్నెస్ సవాలు విసరాలి. స్వీకరించిన ప్రతి ఒక్కరూ ఇచ్చిన టాస్క్ పూర్తి చేసి, రూ.100 విరాళమివ్వాలి. ఇప్పటికే పలువురు ప్లేయర్లు, సెలబ్రిటీలు ఇందులో పాల్గొన్నారు.