భారత్​లోనే 2023-హాకీ పురుషుల ప్రపంచకప్​

2023 హాకీ పురుషుల ప్రపంచకప్​ నిర్వహించే అవకాశం దక్కించుకుంది భారత్​. అదే ఏడాది జనవరి 13-29 తేదీల మధ్య మ్యాచ్​లు జరగనున్నాయి. స్పెయిన్​, నెదర్లాండ్స్​.. 2022 మహిళల ప్రపంచకప్​ జరుపుతాయి.

భారత్​.. మరోసారి ప్రతిష్టాత్మక ప్రపంచకప్​ నిర్వహణ బాధ్యతలు దక్కించుకుంది. 2023 పురుషుల హాకీ ప్రపంచకప్​నకు అతిథ్యమివ్వనుంది.​ ఈ హక్కుల కోసం మరో రెండు దేశాలు పోటీపడినా... చివరికి ఆ అదృష్టం భారత్​నే వరించింది.

2022లో జరిగే మహిళల ప్రపంచకప్​ను స్పెయిన్​, నెదర్లాండ్స్​ నిర్వహించనున్నాయి. అంతర్జాతీయ హాకీ ఫెడరేషన్​(ఐహెచ్​ఎఫ్​)..శుక్రవారం వీటికి సంబంధించిన ప్రకటన ఇచ్చింది.

2022 జులై 1-17 తేదీల్లో మహిళల టోర్నీ, 2023 జనవరి 13-29 మధ్యలో పురుషుల మ్యాచ్​లు జరగనున్నాయి. ఆతిథ్య దేశాలు.. త్వరలో వేదికలను ప్రకటించనున్నాయి.

ఆతిథ్యదేశాలు... నేరుగా టాప్​-5లో చోటు సొంతం చేసుకుంటాయి. అంతేకాకుండా కాంటినెంటల్​ ఛాంపియన్​షిప్​ గెలిచిన జట్టు ఈ జాబితాలో చేరుతుంది. మిగతా జట్లు.. స్వదేశం, విదేశాల్లో 'ప్లే ఆఫ్​ మ్యాచ్​'లు ఆడాల్సి ఉంటుంది.

క్వాలిఫయర్స్​ మ్యాచ్​ల ఫలితాలు, టోక్యో ఒలింపిక్స్​ తర్వాత ప్రపంచ ర్యాంకింగ్స్​, కాంటినెంటల్​ ఛాంపియన్స్​షిప్​ తర్వాత ర్యాంకుల ఆధారంగా జాబితా తయారు చేస్తారు. వాటిలో టాప్​-20 జట్లు వరల్డ్​కప్​లో పోటీ పడతాయి.

హాకీ ప్రపంచకప్​లు

నాలుగోసారి...

భారత్​ఇప్పటికే మూడుసార్లు హాకీ ప్రపంచకప్​ నిర్వహించింది. 2023లో జనవరి 13 నుంచి 29 వరకు ఈ టోర్నీని నిర్వహించేందుకు భారత్​ ముందుకు రాగా... జులై 1-17 (2022) తేదీల్లో నిర్వహించేందుకు బెల్జియం, మలేసియా బిడ్​ దాఖలు చేశాయి.

మహిళా హాకీ ప్రపంచకప్​ నిర్వహణకు ఐదు దేశాలు ఆసక్తి కనబర్చాయి. జర్మనీ, స్పెయిన్, నెదర్లాండ్స్​ 2022 జులై 1-17 మధ్యలో టోర్నీని జరిపేందుకు ముందుకొచ్చాయి. మలేసియా, న్యూజిలాండ్​.. 2023 జనవరి 13-29 మధ్యలో నిర్వహించేందుకు బిడ్​ దాఖలు చేశాయి.