ఫుట్​బాల్​లో 'బనానా స్వింగ్​' గోల్ చూశారా​...?

రియల్​ మాడ్రిడ్​ జట్టు సాకర్​​ క్రీడాకారుడు టోనీ క్రూజ్​.. మరోసారి వార్తల్లో నిలిచాడు. స్పానిష్​ సూపర్​ కప్​ సెమీఫైనల్లో భాగంగా వాలెన్సియా జట్టుపై అద్భుతమైన గోల్​ చేశాడు. ప్రస్తుతం ఈ వీడియో నెట్టింట వైరల్​గా మారింది.

జర్మనీకి చెందిన ఫుట్​బాల్​ ప్లేయర్​ టోనీ క్రూజ్​.. ఓ మ్యాజిక్​ గోల్​తో అభిమానుల మనసు గెలుచుకున్నాడు. కార్నర్​ నుంచి అద్భుతమైన రీతిలో బంతిని గోల్​పోస్టులోకి పంపాడు. సౌదీ అరేబియా వేదికగా స్పానిష్​ సూపర్​ కప్​ సెమీఫైనల్లో రియల్​ మాడ్రిడ్​, వాలెన్సియా జట్లు తలపడ్డాయి. ఈ మ్యాచ్​ 15వ నిమిషంలో కార్నర్​ నుంచి బంతిని ఊహించని రీతిలో గోల్​గా మలిచాడు రియల్​ మాడ్రిడ్ జట్టు ఆటగాడు టోనీ. ప్రత్యర్థి జట్టు గోల్​కీపర్​ జొమే డొమినిచ్​ ఆ బంతిని ఆపేందుకు ప్రయత్నించినా విఫలమయ్యాడు. ఆ షాట్​ను సాకర్​లో సరదాగా 'బనానా స్వింగ్'​గా పిలుస్తారు. ఈ గోల్​ వీడియో నెట్టింట వైరల్​గా మారింది.

మరో సెమీఫైనల్లో బార్సిలోనా-అట్లెటిక్​ మాడ్రిడ్​ జట్టు పోటీ పడనున్నాయి. ఈ రెండింటిలో గెలిచిన విజేతతో ఫైనల్లో తలపడనుంది రియల్​ మాడ్రిడ్​. మానవ హక్కుల అంశంపై ప్రజల్లో నిరసన కారణంగా.. సూపర్​ కప్​ టోర్నీని స్పెయిన్​లో కాకుండా సౌదీ అరేబియాలో నిర్వహిస్తున్నారు.