స్టార్ ఫుట్బాల్ ప్లేయర్ లియోనల్ మెస్సీ సారథ్యంలో అర్జెంటీనా జట్టు గత నెల కోపా అమెరికా కప్ గెలుచుకుంది. ఈ మ్యాచ్ అనంతరం విజయానందాన్ని కుటుంబ సభ్యులతో పంచుకున్నాడు మెస్సీ. మెడల్ను తన భార్య ఆంటోనెలా రోకుజోకు చూపిస్తూ మురిసిపోయాడు. అయితే పెయిడ్ ప్రమోషన్లో భాగంగానే మెస్సీ ఈ వీడియో కాల్ చేసినట్లు తాజాగా పలు ఇంగ్లీష్ నివేదికలు స్పష్టం చేస్తున్నాయి. ఇందుకు గానూ వాట్సాప్ నుంచి భారీగానే నగదు అందినట్లు తెలుస్తోంది. అది ఎంతనేది స్పష్టత లేనప్పటికీ.. ఒక్క ఇన్స్టా పోస్టు ద్వారానే దాదాపు రూ.6.5 కోట్లు పొందినట్లు సమాచారం.
ఈ వాట్సాప్ కాల్ను సామాజిక మాధ్యమాల్లో షేర్ చేసిన మెస్సి.. "ఇదొక ప్రత్యేకమైన క్షణం! కోపా అమెరికా కప్ను గెలుపొందిన తర్వాత.. నా సంతోషాన్ని నా కుటుంబ సభ్యులతో వాట్సాప్ వీడియో కాల్ ద్వారా పంచుకున్నాను" అని రాసుకొచ్చాడు. అయితే ఈ వీడియోకు 1.78 కోట్ల లైక్లు వచ్చాయి.
ఇదీ చదవండి:ఒక్క ఫొటో- 2 కోట్ల లైక్లు..