అర్జెంటీనాకు చెందిన ప్రముఖ ఫుట్బాల్ క్రీడాకారుడు లియోనల్ మెస్సీని... ఆరోసారి ఉత్తమ ఫిఫా ప్లేయర్ ఆఫ్ ద ఇయర్ అవార్డు వరించింది. మిలాన్‌లోని ఓపెరా హౌస్‌లో సోమవారం ఈ అవార్డుల కార్యక్రమం ఘనంగా జరిగింది. మహిళల విభాగంలో ఫిఫా ప్లేయర్ ఆఫ్ ద ఇయర్ అవార్డు మేగాన్ రాపినోయ్(అమెరికా) గెలుచుకుంది.
మెస్సీ ఆరోసారి...
పురుషుల్లో మెస్సీతో పాటు ఈ అవార్డు కోసం క్రిస్టియానో రొనాల్డో(పోర్చుగల్), లివర్ పూల్ డిఫెండర్ విర్గిల్ వాన్ డిజిక్‌లు పోటీపడ్డారు.
గత సీజన్‌లో బార్సిలోనా జట్టుతో కలిసిన స్పానిష్ లాలిగా టైటిల్ను నెగ్గడంలో కీలకపాత్ర పోషించాడు మెస్సీ. ఈ టోర్నీలో మొత్తం 58 మ్యాచ్ల్లో... 54 గోల్స్ సాధించాడు. ఫలితంగా యురోపియన్ లీగ్ గోల్డెన్ బూట్‌నూ సొంతం చేసుకున్నాడు. రొనాల్డో 55 గేముల్లో 54 గోల్స్ చేశాడు.
ఈ ఏడాది లివర్‌పూల్ జట్టుని ఛాంపియన్ లీగ్ టైటిల్ విజేతగా నిలబెట్టాడు డిఫెండర్ విర్గిల్ వాన్ డిజిక్. ఈ సీజన్‌లో యురోపియన్ ఉత్తమ ప్లేయర్ అవార్డును సొంతం చేసుకున్నాడు. ఇతడు రేసులో నిలిచినా... అభిమానులు మాత్రం ఈ అవార్డుని మెస్సీకే కట్టబెట్టారు.
మహిళల్లో మేగాన్...
ఈ ఏడాది జులైలో జరిగిన మహిళల ప్రపంచకప్లో మేగాన్ రాపినోయ్ సారథ్యంలోని అమెరికా జట్టు టైటిల్ విజేతగా నిలిచింది. ఈ మెగా టోర్నీలో మేగాన్ ఆరు గోల్స్ చేసి జట్టు విజయంలో కీలకపాత్ర పోషించింది. ఈ టోర్నీలో అత్యధిక గోల్స్ చేసిన క్రీడాకారిణిగానూ నిలిచింది. ఫలితంగా గోల్డెన్ బూట్‌తో పాటు గోల్డెన్ బంతినీ దక్కించుకుంది. మహిళల కోచ్ అవార్డును జిల్ ఇల్లీస్ సొంతం చేసుకుంది.
పురుషులు: ఫిఫా ఉత్తమ ప్లేయర్
లియోనల్ మెస్సీ
మహిళలు: ఫిఫా ఉత్తమ ప్లేయర్
మేగాన్ రాపినోయ్ - విజేత
ఉత్తమ ఫిఫా పురుషుల కోచ్