2019-20 సీజన్ ఇండియన్ సూపర్ లీగ్(ఐఎస్ఎల్)లో సత్తా చాటేందుకు సిద్ధమవుతోంది హైదరాబాద్ ఫుట్బాల్ క్లబ్. ఆదివారం భాగ్యనగరంలో జట్టు జెర్సీని ఆవిష్కరించారు. ముఖ్య అతిథిగా హీరో వెంకటేశ్ హాజరయ్యాడు. ఇటీవలే హెచ్సీఏ అధ్యక్షుడిగా ఎంపికైన మాజీ క్రికెటర్ అజారుద్దీన్ ఈ కార్యక్రమంలో పాల్గొన్నారు.
హైదరాబాద్ ఫుట్బాల్ క్లబ్ జెర్సీ ఆవిష్కరణ కార్యక్రమం
సంప్రదాయ నిజాం షేర్వాణీ స్ఫూర్తిగా తీసుకుని, హైదరాబాద్ నగర విశిష్టతను పెంపొందించేలా ఈ జెర్సీని రూపొందించారు.
"హైదరాబాద్ ఫుట్బాల్ క్లబ్ ప్రారంభమవడం నాకు చాలా ఆనందంగా ఉంది. ఈ సీజన్లో మన జట్టు ప్రత్యర్థులకు గట్టి పోటీదారు అవుతుందని భావిస్తున్నాను. ఫైనల్లో బెంగళూరు, చెన్నైతో తలపడుతుందని అనుకుంటున్నాను(నవ్వుతూ)" -వెంకటేశ్, కథానాయకుడు