ఐదారేళ్ల పిల్లలు ఆటల్లో నిమగ్నమై ఉండటం సహజమే. కానీ ఇరాన్కు చెందిన అరట్ హొస్సెనీ ఫుట్బాల్ ఆటలో ప్రోఫెషనల్ ప్లేయర్లా ఆడుతున్నాడు. మైదానంలో వేగంగా కదులుతూ ప్రత్యర్థులను ముప్పుతిప్పలు పెడుతున్నాడీ ఐదేళ్ల అరట్. ప్రస్తుతం ఈ వీడియో సామాజిక మాధ్యమాల్లో వైరల్ అవుతోంది.
ఈ బుడ్డోడు.. ఫుట్బాల్ ఆటలో గట్టోడు..!
ఇరాన్కు చెందిన అరట్ హొస్సెనీకి ఐదేళ్లు. ఫుట్బాల్ ఆటలో అనుభవజ్ఞుడిలా మైదానంలో రెచ్చిపోతున్నాడు. తన ప్రతిభతో నెటిజన్లను ఆకట్టుకుంటున్నాడు. పిల్లాడి వీడియోపై భారత బిజినెస్ దిగ్గజం ఆనంద్ మహీంద్ర స్పందించారు.
ఫుట్బాల్
పొడవైన జుట్టుతో ఉండి కాళ్లను మెరుపులా కదిలిస్తున్నాడు అరట్. అతడి వేగానికి నెటిజన్లు ఫిదా అయిపోతున్నారు. జూనియర్ మెస్సీ వచ్చాడంటూ నెట్టింట బాలుడిపై ప్రశంసలు కురిపిస్తున్నారు. ఇప్పటికే ఈ బుడ్డోడు ఇన్ స్టాలో 20 లక్షల ఫాలోవర్లను సంపాదించాడు.
ఈ వీడియోపై భారత బిజినెస్ దిగ్గజం ఆనంద్ మహీంద్రా స్పందించారు. వాట్సాప్లో ఆ వీడియో చూశానని, పొడుగు జుట్టు ఉండటం వల్ల అమ్మాయనుకున్నానని తెలిపారు. ఐదేళ్ల పిల్లాడు ఇంత బాగా ఫుట్బాల్ ఆడుతున్నాడంటే నమ్మలేకపోతున్నానని ఆశ్చర్యం వ్యక్తం చేశారు. అద్భుతమైన ఫుట్బాల్ నైపుణ్యంతో బుడతడు తనను ఆకట్టుకున్నాడని ట్వీట్ చేశారు.