ఫ్రెంచ్ ఫుట్బాల్ స్టార్ ప్యాట్రిస్ ఎవ్రా.. ఎప్పటికప్పుడూ సామాజిక మాధ్యమాల్లో యాక్టీవ్గా ఉంటాడు. క్రేజీ పోస్టులు పెడుతూ అభిమానులను అలరిస్తుంటాడు. తాజాగా భారతీయ సంప్రదాయ దుస్తులను ధరించి.. పంజాబీ పాటకు నర్తిస్తూ అతడు పెట్టిన వీడియో నెట్టింట వైరల్ అవుతోంది.
'ముండియా తో బాచ్ కే రహీ' అనే పంజాబీ పాటకు తగ్గట్లుగా డ్యాన్స్ చేస్తూ ప్యాట్రిస్ ఆకట్టుకున్నాడు. అంతేకాదు హృదయాన్ని హత్తుకునేలా పోస్ట్ పెట్టి భారత అభిమానుల అభిమానాన్ని చూరగొంటున్నాడు.
"నా భారతీయ అభిమానులుకు ప్రేమతో సందేశాన్ని పంపిస్తున్నా. ద్వేషించడం మానేసి.. ఒకరినొకరు ప్రేమించడం మొదలు పెట్టండి. మనమందరం సహోదరులం. నేను ఫ్రెంచ్ వాడినో, సెనెగల్కు చెందిన వ్యక్తిగానో కాదు.. ఓ భారతీయుడుగా ఈ సోమవారం మీ ముందుకు వచ్చా" - ప్యాట్రిస్ ఎవ్రా, ఫ్రెంచ్ ఫుట్బాల్ ప్లేయర్.
ఫ్రాన్స్ తరఫున 2004 నుంచి 2016 వరకు 81 మ్యాచ్లు ఆడాడుప్యాట్రిస్. 2010 ఫిఫా ప్రపంచకప్లో 5 మ్యాచ్లకు కెప్టెన్గానూ వ్యవహరించాడు. 2018లో ఆటకు గుడ్బై చెప్పాడు.
ఇదీ చదవండి: సింగర్గా మారిన మిస్టర్ కూల్.. బిగ్ బీ పాటతో ఫుల్ జోష్
