లియోనల్ మెస్సీ-'ఎఫ్సీ బార్సిలోనా' 21 ఏళ్ల బంధానికి తెరపడింది. అతడితో తమ కాంట్రాక్టు ముగిసిందని పుట్బాల్ క్లబ్ అధికారికంగా ప్రకటించింది. స్పానిష్ లీగ్లోని ఆర్థిక నిబంధనల వల్ల మెస్సీతో కాంట్రాక్టు కొనసాగించలేకపోతున్నామని వెల్లడించింది.
బార్సిలోనా క్లబ్ తరఫున వరుసగా 17 సీజన్లలో ఆడిన మెస్సీ.. ఈ క్రమంలో ఎన్నో దేశీయ, అంతర్జాతీయ టైటిల్స్ గెలుచుకోవడంలో కీలకపాత్ర పోషించాడు.
గతేడాది కరోనా వల్ల అన్నింటిలానే బార్సిలోనా క్లబ్ కూడా ఆర్థిక ఇబ్బందులు ఎదుర్కొంది. ఈ క్రమంలోనే ప్లేయర్ల జీతాల్లో కోత విధించింది. కొందరు ఆటగాళ్లనూ వదులుకుంది. మెస్సీతోనూ కాంట్రాక్టు విషయమై చర్చలు జరిపినప్పటికీ, అవి విఫలమయ్యాయి! దీంతో 21 ఏళ్ల బంధానికి తెరపడింది. అయితే మెస్సీ ఏ కబ్ల్లో చేరేది ఇంతవరకు ప్రకటించలేదు.