అంతర్జాతీయ ఫుట్బాల్లో 100 గోల్స్ సాధించి ఇటీవలే రికార్డు సృష్టించాడు పోర్చుగల్ స్టార్ ప్లేయర్ క్రిస్టియానో రొనాల్డో. యూఈఎఫ్ఏ నేషన్స్ లీగ్లో భాగంగా.. స్వీడన్తో మంగళవారం జరిగిన లీగ్ మ్యాచ్లో రొనాల్డో ఈ మైలురాయిని అందుకున్నాడు. అయితే మ్యాచ్లో స్టేడియం మొత్తం ఖాళీగా దర్శనమిచ్చింది. కరోనా వ్యాప్తి నేపథ్యంలో ప్రేక్షకులను అనుమతించలేదు. దీనిపై స్పందించిన రొనాల్డో.. "స్టేడియంలో ప్రేక్షకులు లేకపోవడం విదూషకుడు లేని సర్కస్" అని అన్నాడు.
"ఇది నిజంగా చాలా భిన్నమైన అనుభవం. సరిగ్గా చెప్పాలంటే విదూషకులు లేని సర్కస్లా.. పుష్పాలు లేని ఉద్యానవనంలా అనిపించింది. స్టేడియంలో ప్రేక్షకులు లేకపోవడం ఏ ఆటగాడికీ ఇష్టం ఉండదు. అయితే, ఈ వాతావరణానికి నేను అలవాటు పడ్డాను. ఇందుకోసం నేను ముందుగానే ప్రీ మ్యాచ్ ప్రాక్టీసు చేశా."