దిగ్గజ ఫుట్బాలర్, భారత కెప్టెన్ సునీల్ ఛెత్రి అరుదైన ఘనత సాధించాడు. జూన్ 12తో 15 ఏళ్ల అంతర్జాతీయ కెరీర్ను పూర్తి చేసుకున్నాడు. 2005లో జాతీయ జట్టులోకి అడుగుపెట్టిన ఇతడు.. భారత్ తరఫున ఇప్పటివరకు 115 మ్యాచ్ల్లో 72 గోల్స్ కొట్టాడు. స్టార్ ఆటగాడు క్రిస్టియానో రొనాల్డో (99) తర్వాత అత్యధిక అంతర్జాతీయ గోల్స్ చేసిన వాడిగా రికార్డు సృష్టించాడు. 'ఆసియా ఐకానిక్'గా పేరు తెచ్చుకుని, దేశంలోనే అత్యధిక గోల్స్ కొట్టిన ఫుట్బాలర్గా నిలిచాడు.
చిన్న వయసు నుంచే..
ఛెత్రి చిన్న వయసులోనే ఫుట్బాల్ ఆడటం మొదలుపెట్టాడు. 2002లో మోహన్ బగన్ జట్టుతో కెరీర్ ప్రారంభించాడు. అనంతరం జేసీటీకి ప్రాతినిధ్యం వహించాడు. ఇందులో భాగంగా 48 మ్యాచ్ల్లో 21 గోల్స్ చేశాడు.
వారిలో మూడో వ్యక్తి
కనాస్ సిటీ విజార్డ్స్ మేజర్ సాకర్ లీగ్ 2010 ఒప్పందం మేరకు ముస్సోరి వెళ్లిన ఛెత్రి.. స్వదేశం నుంచి విదేశాలకు వెళ్లిన ఆటగాళ్లలో మూడో వ్యక్తిగా నిలిచాడు. ఎంఎల్ఎస్లో ఎక్కువకాలం కొనసాగలేక తిరిగి ఐ- లీగ్ వైపు దృష్టి సారించాడు. అనంతరం డి పోర్చుగల్ స్పోర్ట్స్ క్లబ్ ఒప్పందం మేరకు ఐరోపా వెళ్లాడు.
అంతర్జాతీయ స్థాయిలో
ఛెత్రి అద్భుతమైన ప్రదర్శనతో.. భారత్ 2007, 2009, 2012 నెహ్రూ కప్లను సొంతం చేసుకుంది. 2011 ఎస్ఏఎఫ్ఎఫ్ చాంపియన్షిప్ను కైవసం చేసుకుంది. అంతేకాకుండా 27 ఏళ్ల తర్వాత 2008 ఏఎఫ్సీ ఛాలెంజ్ కప్ను సాధించి చరిత్ర సృష్టించింది.
ఛెత్రి గురించి మరిన్ని విశేషాలు..
2011 ఏఎఫ్సీ ఆసియాకప్లో భారత కెప్టెన్గా వ్యవహరించాడు. ఈ టోర్నీలో రెండు గోల్స్ చేశాడు.
2007, 2011, 2013, 2014, 2017, 2018-19 సంవత్సరాల్లో రికార్డు సృష్టించిన ఛెత్రి.. ఏఐఎఫ్ఎఫ్ ప్లేయర్ ఆఫ్ ది ఇయర్‌గా ఆరుసార్లు నిలిచాడు.
ప్రత్యేక గుర్తింపులు
- ఏఐఎఫ్ ఆఫ్ ది ఇయర్: 2007,2011,2013,2014,2017,2018-19
- ఎఫ్పీఏఐ ఇండియన్ ప్లేయర్ ఆఫ్ ది ఇయర్: 2009,2018
- ఏఎఫ్సీ ఛాలెంజ్ కప్ మోస్ట్ వాల్యూబుల్ ప్లేయర్:2008
- ఎస్ఏఎఫ్ఎఫ్ ఛాంపియన్షిప్ ప్లేయర్ ఆఫ్ ది టోర్నమెంట్: 2011
- హీరో ఆఫ్ ది ఐ-లీగ్: 2016-2017
- హీరో ఆఫ్ ది ఇంటర్కాంటినెంటల్ కప్: 2018
పురస్కారాలు
- 2011: అర్జున అవార్డు
- 2018: ఎఫ్సీ ఏసియన్ ఐకాన్
- 2019: పద్మశ్రీ
- 2019: దిల్లీ ఫుట్బాల్ అసోసియేషన్ రత్న అవార్డు(మొదటి గ్రహీత)
ఇదీ చూడండి:'ఆటను ఆస్వాదిస్తున్నా.. ఇప్పట్లో దూరం కాను'
